02/03/2013 17:53:03

Rusët mbrojnë fëmijët. Stop adoptimeve nga çfitet e huaja

Rreth 12 000 persona ishin të pranishëm në këtë protestë për mbrojtjen e fëmijëve, që u zhvillua në qendër të Moskës

MOSKË - Mijëra persona manifestuan sot në Moskë duke i bërë thirrje autoriteteve vendase, që të ndalonin adoptimin e fëmijëve rusë nga shtetasit e huaj dhe të kërkonin kthimin e një djali të adoptuar, vëllai i të cilit vdiq në Teksas, një dramë, që rriti tensionet mes Moskës dhe Uashingtonit. "Rreth 12 000 persona ishin të pranishëm në këtë protestë për mbrojtjen e fëmijëve, që u zhvillua në qendër të Moskës", theksuan burime zyrtare vendase, ndërsa organizatorët raportuan për rreth 20 000 manifestues. Shumë prej tyre ngrinin flamuj rusë, ikona fetare, por edhe foto të Maximit, djali i vogël rus, i cili vdiq në Teksas. Kjo protestë u zhvillua pas njoftimit të autoriteteve amerikane se vdekja e Maxim Kouzmine ishte një aksident dhe se prindërit e tij adoptues nuk ishin të përfshirë në këtë çështje. Djali 3-vjeçar vdiq nga çrregullime në zorrë si pasojë e një goditjeje në bark.

HermesNews - ©2013

Dërgo me email | Stampo artikullin