02/03/2013 10:21:37

Maqedoni, marëveshje për krizën politike

Fyle: 'Misioni ynë me Richard Howitin dhe Jerzi Buzekun në Shkup ndihmoi liderët politikë që të bien dakord për mënyrën për daljen nga kriza'

SHKUP - U arrit një marrëveshje e mirë për Maqedoninë për tejkalimin e krizës politike, shkruan eurokomisioneri i Bashkimit Evropian për Zgjerimin, Stefan Fule në profilin e tij në Tweeter. "Misioni ynë me Richard Howitin dhe Jerzi Buzekun në Shkup ndihmoi liderët politikë që të bien dakord për mënyrën për daljen nga kriza'', shkruan Fule. ''Marrëveshja politike në Shkup e kthen vendin në rrugën e eurointegrimit", theksoi ai.


SHKUP - Është arritur marrëveshja për tejkalimin e krizës politike në vendin e vogël ballkanik, çka do të thotë se euroaxhenda rikthehet në prioritetet e Shkupit, konfirmoi dje pasdite presidenti maqedonas, Gjorge Ivanov pas takimit të përbashkët në vilën "Vodno" me treshen evropiane të kryesuar nga eurokomisioneri Stefan Fule, kryeministri dhe lider i VMRO-DPMNE-së, Nikola Gruevski dhe lideri i LSDM-së në opozitë, Branko Cërvenkovski. U ra dakord të ripërtërihet jeta politike në vend, të gjitha partitë politike të kthehen në parlament dhe të marrin pjesë në zgjedhjet lokale. Menjëherë duhet të formohet komision i përbashkët për zbardhje të ngjarjeve në parlament të 24 dhjetorit.

HermesNews - ©2013

Dërgo me email | Stampo artikullin