02/03/2013 10:00:43

Nisin lëvizjet në policinë e kryeqytetit

E vetmja lëvizje e bërë publike dje është ajo e emrit proverbial të policisë rrugore, Krenar Ahmeti

TIRANE - Policia e Shtetit nis lëvizjet sipas gradave që vijnë në kuadër të marrjes së gradave të reja në Shkollën e formimit policor. E vetmja lëvizje e bërë publike dje është ajo e emrit proverbial të policisë rrugore, Krenar Ahmeti. Janë firmosur një sërë lëvizjesh nëpër komisariate kryesisht nëpër drejtori të largëta, siç janë Vlora, Shkodra dhe Dibra. Vetëm pak muaj më parë, Policia ndërmori lëvizjen e thuajse 70 % të kuadrove drejtues, ku shumë prej tyre ndryshuan vetëm vendet, por jo postet. Ahmeti kthehet në Tiranë në postin e shefit të sigurisë rrugore në kryeqytet. Ai mbante prej disa muajsh atë të zv/drejtorit për rendin në Drejtorinë e Policisë së Durrësit. Vendin e Ahmetit në qytetin bregdetar do ta zërë Asllan Shyti, ky i fundit lë të njëjtin post, të cilin e mbulonte në Drejtorinë e Policisë së Shkodrës.

HermesNews - ©2013

Dërgo me email | Stampo artikullin