01/03/2013 18:19:24

Irak, dorëhiqet Ministri i Financave: hetohet për shkelje

Kabineti i kryeministrit reagoi duke shtuar se dorëheqja e Issawit nuk do të pranohej para përfundimit të një hetimi ndaj tij për shkelje financiare dhe administrative

RAMADI - Ministri irakian i financave, suniti Rafeh al-Issawi njoftoi sot dorëheqjen gjatë protestave kundër qeverisë së Nouri al-Malikit. "Jam me ju (...) dhe njoftoj sot se do të paraqes dorëheqjen time nga qeveria", deklaroi Issawi, i cili ishte i pranishëm në manifestimet, që u zhvilluan në Ramadi në perëndim të Bagdadit. "Ne jemi me ju, Issawi", theksonin manifestuesit. "Kabineti i kryeministrit reagoi duke shtuar se dorëheqja e Issawit nuk do të pranohej para përfundimit të një hetimi ndaj tij për shkelje financiare dhe administrative", theksuan burime mediatike irakiane. Blloku laik Iraqiya, i mbështetur nga sunitë dhe ku bën pjesë Issawi dhe anëtarë të tjerë të qeverisë, akuzojnë kryeministrin për monopolizim të pushtetit, në një vend të përfshirë nga kriza e rëndë politike për më tepër se një vit.

HermesNews - ©2013

Dërgo me email | Stampo artikullin