01/03/2013 10:47:25

Socialistët refuzojnë presionin e mazhorancës: 3 ligjet nuk janë kusht

Demokratët miratojnë referendum. Kastriot Islami i bashkohet mazhorancës

TIRANE - Komisioni i Ligjeve, ka miratuar vetëm me votat e mazhorancës kërkesën e 67 deputetëve, për zhvillimin e referendumit në miratimin e 3 ligjeve, kusht për marrjen e statusit kandidat për në BE.

Në mbledhjen mungonte opozita. Deputetët e Partisë Demokratike në Komision thanë se referendumi duhet cilësuar një akt madhor. Nënkryetari i Komisionit të Ligjeve, Fatmir Xhafaj e cilësoi këtë një shkelje të plotë të rregullores. Sipas tij, referendumi nuk mund të zhvillohet këtë vit.

Nga ana tjetër kreu i selisë rozë Edi Rama tha se PS ka qenë e gatshme të votojë të treja ligjet. "Ne nuk mund të japim konsensusin me përdhunë. Unë kam kërkuar në çdo moment që kryeministri të ulet në tryezë dhe të hapet dialogu pa kushte, për të shkuar te miratimi i këtyre tre ligjeve. Për të miratuar ligjin për Gjykatën e Lartë, ne kemi kërkuar që kjo qeveri të zbatojë vendimin e Gjykatës së Lartë lidhur me zgjedhjet në Qarkun e Fierit" u shpreh Rama i cili tha se ligjet nuk janë kusht për statusin.

HermesNews - ©2013

Dërgo me email | Stampo artikullin