28/02/2013 18:44:09

Brukseli kërkon investime në teknologjinë Schengen

Masa për kufijtë e jashtëm të hapësirës Schengen, e përbërë nga 22 prej 27 vendeve anëtare të Bashkimit Evropian, një program regjistrimi për udhëtarët dhe një sistem për hyrjet dhe daljet

BRUKSEL - Komisioni Europian i bëri thirrje sot shteteve anëtare, që të investonin në teknologji për të përmirësuar kalimet kufitare dhe për të tërhequr turistë dhe biznesmenë në BE.

Rekomandohen dy masa për kufijtë e jashtëm të hapësirës "Schengen", e përbërë nga 22 prej 27 vendeve anëtare të Bashkimit Europian, një program regjistrimi për udhëtarët dhe një sistem për hyrjet dhe daljet.

Më tepër se një miliard euro pritet të mblidhen për të realizuar investimet e nevojshme. "Bëhet fjalë për investime të rënda në një periudhë të vështirë", deklaroi Cecilia Malmstrom, Komisionerja Europiane për Sigurinë.

"Por vizitorët e huaj kanë shpenzuar 271 miliardë euro gjatë udhëtimeve në Bashkimin Evropian gjatë vitit 2011", theksoi ajo. Programi i regjistrimit do të mundësojë shpërndarjen e kartave të kompjuterizuara për udhëtarët. "Kalimi i kufirit mund të bëhet brenda disa sekondave", shtoi Malmstrom.

HermesNews - ©2013

Dërgo me email | Stampo artikullin