28/02/2013 17:25:19

Bullgaria i vendos zgjedhjet e parakoshme më 12 Maj

Pak ditë më parë, Plevneliev u dha të drejtën dy grupeve parlamentare, konservatorëve të GERB-it dhe opozitarëve socialistë që të krijonin një qeveri, që refuzuan ta bëjnë

SOFJE - Zgjedhjet e parakohshme në Bullgari do të zhvillohen më 12 Maj, deklaroi sot në parlament presidenti i vendit, Rosen Plevneliev gjatë një diskutimi mbi krizën sociale dhe institucionale që ka prekur vendin pas pakënaqësive të opinionit publik kundër shtrenjtimit të jetesës, krijimit të monopoleve dhe klasës së korruptuar politike, çka solli edhe dorëheqjen e kryeministrit, Bojko Borisov. Pak ditë më parë, Plevneliev u dha të drejtën dy grupeve parlamentare, konservatorëve të GERB-it dhe opozitarëve socialistë që të krijonin një qeveri, që refuzuan ta bëjnë. Nesër, Plevneliev do të ngarkojë partinë e minorancës turke DPS për krijimin e qeverisë, por edhe kjo e fundit e ka kundërshtuar. ''Zgjedhjet e ardhshme do të bëhen më 12 maj'', tha Plevneliev, por pa saktësuar se kur do të shpërndajë parlamentin dhe se kur do të emërojë një qeveri të përkohshme.

HermesNews - ©2013

Dërgo me email | Stampo artikullin