28/02/2013 10:53:31

Askush nuk e mbrojti komisarin

nga Roland Qafoku

TIRANE - Ngjan si një pikë ujë me qindra pika të tjera vrasja e komisar Dritan Lamajt pak ditë më parë në Tiranë. Ndryshojnë vetëm rrethanat e autori, por gjithçka tjetër, me një radhë emra komisarësh, është pikë për pikë e njëjtë.
Askush nuk e mbrojti komisar Lamajn mbrëmjen e 24 shkurtit teksa parkonte makinën dhe pse ndjehej i kërcënuar. Askush nuk i vendosi mbrojtje e nuk u bë mur për të, për hir të shtetit që përfaqësonte dhe të kauzës së drejtësisë. Ashtu si Lama ushtria e komisarëve të vrarë pas vitit 1990 e deri më sot është e njëjtë. Në momentin që janë goditur, ata kanë qenë pa mbrojtje, të zbuluar nga çdo kriminel dhe më shumë se kaq, të tradhëtuar nga shtetit që i shërbyen.


Ndërkohë që lotët dhe fjalët e politikanëve në ceremonitë e kujdesshme mortore janë hipokrizia më e turpshme e kësaj rrace. Askush nuk e mbrojti Arben Ujkën në atë 22 gusht të vitit 1993, këtë djalë që për cilësitë e tij të rralla edhe sot vazhdon të flitet. U vra në detyrë për shtetin që i shërbente dhe askush nuk u bë mur për ta linte t'i shërbente këtij shteti por edhe të jetonte jetën e vet.

Askush nuk e mbrojti komandantin e RENEA-s Elham Elezin në atë 9 korrik të vitit 1998. Edhe ky në aksion, në krye të trupës që drejtonte për lirmin e shtatë pengjeve, por që për fat të keq mbeti vetë i vrarë. E askush nuk u bë mur për të.

Askush nuk e mbrojti Klenti Banon, këtë polic të ri të zbulimit të krimeve të cilën vrarësit pasi e ndoqën në një rrugicë në errësisë e ekzkutuan në atë 14 prill të vitit 2000 pikërisht se ai kishte shtrënguar darën një bande në Lushnje nga më të rrezikshmet në vend.

Askush nuk e mbrojti Arben Zyluftarin në atë 2 gusht 2000 duke treguar se nuk ishte në detyrën e kryepolicit të Shkodrës për të dhënë urdhra, por për të qenë vetë I pari në rrezik. Askush nuk e mbrojti komisarin tashmë legjendë, ndërsa një plumb I mori jetën duke e lënë të vdekur në vend.

Askush nuk e mbrojti komisar Ilir Ngresin, të cilin killer gjakftohtë e qëlloi në një kafene në Vlorë në ditën e fundit të dhjetorit 2002 duke i ndëprerë jetën në mes.

Askush nuk e mbrojti Altin Mançellarin, policin elegant të forcave speciale që u ekzekutua në atë 20 maj të vitit 2003 vetëm dhjetë metra larg drejtorisë së policisë së Tiranës. Një djalë që ku ishte aksioni ishte edhe ai, ndërsa lotët për shokët e vrarë pëprara tij rinin të tharë në sy pa e menduar se një ditë edhe Altini do ishte vetë viktimë dhe shokët e mbetur do të qanin për të.

Askush nuk e mbrojti komisar Gani Malushin në atë 6 gusht të vitit 2003, idealistin e pandreqshëm, komisarin e sinqertë dhe të sakrificës që shkoi ku e emëruan, në Veri apo Jug, në mes të plumbave dhe mes kriminelëve. Për ironi, edhe atë moment kur e qëlluan me plumba ishte duke shkruar tek eprorët, por asnjë epror e asnjë shtetar nuk u bë mur për të.

Askush nuk I mbrotji katër policët në zhegun e 7 gushtit të vitit 2009 në Durrës teksa autori kositi jetën e tyre duke I thënë shtetit që ishte ai zot dhe jo ata. Madje nuk mbrojtën as babain e një prej policëve të vrarë, I cili dhimbjen e rëndë për humbjen e të birit e mbyti duke vrarë veten.

Askush nuk e mbrojti Adem Tahirajn atë 13 shtator të 2012 që në krye të detyrës u vra si të ishte një njeri pa vlerë, jo më një mbrojtës ligji dhe përfaqësues I shtetit. Dhe sot ende nuk jepet drejtësia e jo më të mendohej se dikush duhet ta mbronte atë.

Askush nuk e mbrojtin Musa Skurën, komisarin e Burrelit në atë 14 janar 2013 I cili në krye të detyrës në aksison u godit për të ndërruar jetë më pas në një spital në Itali. Edhe për Skurën askush nuk u bë mur.

Ka vetëm disa përjashtime të vogla. Ja dy nga shumë shembuj të tjerë: Vetëm Zoti ndihmoi Artan Didën djalin special të forcave speciale që aksionin e 24 tetorit të vitit 1998 u plagos dhe vetëm ky Zot e ktheu në jetë. Vetëm zoti ndihmoi Apostol Lucën këtë djalosh gjigand në trup dhe në shpirt u plagos në një aksion në Fier dhe vetëm ky Zot e ktheu në jetë.

Ka edhe shumë e shumë të tjerë si këta heronj që nuk jetojnë dhe që jetojnë vetëm falë Zotit por që askush nuk I mbrojti. Mjafton kjo restropsektivë për të kuptuar se asnjë polic, asnjë komisar e asnjë përfaqësues I rendit nuk është I mbrojtur nga ky shtet që ata kërkojnë ta përfaqsojnë.

Edhe më e rëndë se kaq: Shteti dhe politika jonë jo vetëm nuk I ka mbrojtur por I ka vrarë madje përpara se ti vrisnin kriminelët. Si në rastin e komisar Durim Lamës, që edhe pse ndjehej i kërcënuar vazhdoi detyrën. Askush nuk e mbrojti komisarin, por edhe të gjithë komisarët e policisë së shtetit shqiptar.


*Autori është drejtues i emisionit Debati në Channel One

HermesNews - ©2013

Dërgo me email | Stampo artikullin