27/02/2013 18:58:01

Gjëja më e drejtë për t'u bërë

nga Doriana Metollari

HermesNews - Secili nga ne përpiqet të gjejë një mënyrë a një tjetër, për të nxjerrë në pah arsyet e veta. Jemi të gjithë pjesë e një nevoje të brëndshme që mund të kënaqet me pak ose me shumë, për të gjetur një rrugë drejt finalizimit të qëllimit qoftë i largët apo i afërt. Kërkojmë të bindim të tjerët për arsyet, por harrojmë që jemi të prirur shpesh herë të dëgjojmë zërin tonë, sa harrojmë se dikush tjetër para nesh, na thotë diçka që dhe pse nuk ka bind ose shkon kundër interesit tonë, duhet dëgjuar po aq duam dhe ne të dëgjohemi.

Veprimet tona instinktivisht na drejtojnë tek "dominimit", në sensin e mirë të fjalës, pushtimit të hapësirës së dikujt tjeter, apo të tjerëve, sepse njeriu si qënie është i prirur ta bëjë. Është në natyrën tonë. Shikojeni njërëzit rreth e rrotull. Gjeni kundër ekuilibër ? Unë ende jo.

Ka njerëz që jetojnë aktivisht në “kurriz” të të tjerëvë, ka njerëz jetojnë pasivisht, ka të tjerët që mbyllen dhe nuk pranojnë të bashkëveprojnë me të tjerët sepse nuk janë në gjendje t'i përpunojnë emocionet e veta.

Këto janë kategoritë që unë po përmënd, por sigurisht që ka dhe të tjera.
Nëse duam të flasim për ekuilibër në raportin tonë me të tjerët dhe botën, atëherë unë nuk besoj se ai (ekuilibri) hyn tek ndonjë prej këtyre kategorive. Biles do t'ju sugjeroja të fillonit me veten.

Nëse do të donim të linim një takim me vetveten me siguri s’do të kemi nevojë për një orar. Nëse kërkojmë hera herës të hedhim vështrimin jashtë nesh, do e kuptojmë sa nevojë kanë të tjerët për t'u dëgjuar nga ne.

Si? Së pari, të përpiqemi të vëmë në peshoren e “të vërtetës sonë” që normalisht gjithmonë peshon drejt nesh, dhe arsyet e të tjerëve, për ta çuar pak më në ekuilibër.

Një herë që vendosni ta ndërmerrni këtë hap, tjeri do të jetë, ai i të mos dashuruarit me këtë gjëndje. Dmth hera herës është mirë të përpiqeni të jeni tolerant me të tjerët , por nesë dashuroheni me këtë aspekt tuajin, do të humbisni veten. Vendosja përballë me tjetrin, është mënyra me efikase për të bërë më të mirën e mundshme.

Konsiderojeni një leje e dhënë me të drejtë revokimi sa herë që tjetri merr më shumë hapësirë nga ç’duhet. E rëndësishme është të gjeni qetësinë dhe buonsensin që, nëse do pyesja disa miq të mi, do e quanin Stil.

Sigurisht që Stili i njeriut nuk është vetëm kaq, është një kompleks më ide, virtyte, vlera dhe dëshira. Në fakt ajo që unë po përpiqem të them në mënyrë të drejtpërdrejtë mës këtyre rreshtave, është më e thjehtë.

Provojeni të dilni hera herës jashtë arsyeve vetëm tuajat dhe dëshirës për t’i bindur të tjerët . Nuk dua t'ju them se ky është hapi i parë drejt lumturisë, sepse lumturia është një pik i lartë që njeriu e arrin jo tërë kohës. Ekuilibri po. Ekuilibri mes arsyeve tuaja dhe të tjerevë ju ndihmon të gjeni brenda jush, një lloj qetësie, që me siguri, po më siguri shumë të madhe ju çon drejt rezultateve më të mira.

HermesNews - ©2013

Dërgo me email | Stampo artikullin