27/02/2013 10:10:32

Iran '5+1', përfundon takimi mbi nuklearen

Takimi përfundimtar i misioneve diplomatika ka përfunduar sot në orët e para të ditës

ALMA ATA - Vendet e Grupit të ''5+1'' dhe Irani kanë mbyllur gjatë orëve të mëngjesit të sotëm negociatat lidhur me programin bërthamor të Teheranit, gjatë një takimi të zhvilluar në kryeqytetin kazak Alma Ata, njoftuan burime iraniane dhe perëndimore. Pas ditës së parë të negociatave, të zhvilluara dje gjatë një takimi plenar prej të paktën tre orësh, palët patën sot një takim që zgjati diçka më shumë se një orë. Fuqitë e mëdha i paraqitën Teheranit një propozim që ka lidhje me lehtësimin e sanksioneve, kryesisht të arit, të industrisë së naftës dhe transaksioneve bankare, në këmbim të disa hapave të Iranit.

HermesNews - ©2013

Dërgo me email | Stampo artikullin