25/02/2013 09:39:29

Policia, $100 mijë për atë që identifikon autorin e vrasjes

Avokati i popullit ngushellon familjen Lamaj. Prokurorët, Dritani u vra për shkak të detyrës

(15:49) Avokati i Popullit dhe stafi i tij shprehin ngushëllimet më të sinqerta dhe i bashkohen hidhërimit të thellë të familjes dhe kolegëve për vrasjen e kryekomisarit, Dritan Lamaj.

"Përgjigja e duhur dhe e shpejtë që i jepet kujtdo që cënon një punonjës policie për arsye të lidhura me detyrën, është reagimi i menjëhershëm që qytetarët presin dhe shpresojnë pas krimeve të rënda të kësaj natyre", shkruhet në njoftimin për shtyp të zyrës së Avokatit të Popullit.

"Duke shprehur bindjen se vetëm një reagim serioz i shtetit në përgjigje të kësaj pritshmërie qytetare në mbrojtje të rendit dhe sigurisë, do të dëshmojë se sistemi ynë i vlerave shoqërore është ende në gjendje të sfidojë të keqen", përfundon njoftimi.
(11:30) Vrasja e Kryekomisar Dritan Lamaj është kryer nga autorët për shkak të detyës si punonjës policie. “Nga grupi hetimor është arritur në konkluzionin se vrasja e Lamaj, është kryer nga autorët, për shkak të detyrës si punonjës policie”, thuhet në njofimin e bërë publik nga Policia e Tiranës.

(11:15) Policia e Shtetit do të organizoj mesditën e sotme homazhe në nder të Kryekomisarit Dritan Lamaj, i cili mbeti i vrarë mbrëmjen e djeshme pas një atentati pranë shkolls Vasil Shanto.

Në deklaratën për mediat bëhet e ditur se homazhet për Kryekomisar Dritan Lamaj do të zhvillohen në ambientet e Shtëpisë Qendrore të Ushtrisë nga ora 12.30' deri 13.30'.

“Trupi i të ndjerit, thuhet në njoftimin e Policisë së Shtetit, do të prehet në varrezat e Dëshmorëve të Kombit në Tiranë".


TIRANË - Punonjësi i policisë së Drejtorisë së Përgjithshme të Policisë së Shtetit, Kryekomisar Dritan Lamaj, është vrarë mbrëmjen e së djelës në një atentat në një nga rrugicat pranë shkollës Vasil Shanto në Tiranë.

Në lidhje me këtë ngjarje të rëndë, Policia e Shtetit, vendos në dispozion shumën e parave prej 100 mijë Dollarë për çdo person i cili jep informacion të vlefshem në drejtim të indetifikimit të autorit, në çdo rast duke ruajtur anonimatin.

Ish shefi i komisariatit të policisë Nr 6 në kryeqytet, ndërroi jetë në spitalin ushtarak, pak pasi ra në vdekje klinike. Grupe ekspertësh të policisë dhe të prokurorisë së krimeve të renda, më në krye prokurorët Eugen Beci e Besnik

Muçi, shkuan menjëherë në vendin e ngjarjes të cilët kryen veprimet e para proceduriale duke mbledhur dhe administruar të gjitha provat e vlefshme për ngjarjen. Gjithashtu janë marrë në pyetje shumë dëshmitarë që janë ndodhur në vendngjarje në çastin e atentatit.

Dritan Lamaj ishte 41 vjeç, dhe aktualisht punonte specialist në drejtorinë e Përgjithshme të policisë së Shtetit. Më herët Kryekomisar Lamaj ka kryer disa detyra si, shef rendi në komisariatin e policisë së Gjirokastrës, Shef i Antiterrorit në drejtorinë e policisë së Tiranës, si dhe shef i disa seksioneve të policisë kriminale.

HermesNews - ©2013

Dërgo me email | Stampo artikullin