24/02/2013 14:33:05

Shkodër, plagosen adoleshentet: manovra të gabuara në rrugë

Ndalohet drejtuesi i makinës: dy të rinj në gjëndje të rëndë për jetën

SHKODER - Një aksident ka ndodhur mëngjesin e sotëm në lagjen Salo Halili të Shkodrës. Dy adoleshentë që udhëtonin me motoçikletë kanë mbetur të plagosur pasi janë përplasur nga një automjet tip “Benz”. Drejtuesi i motoçikletës, Klodi Manjani 16 vjeç nga Dibra dhe Serjan Aga 15 vjeç nga Tirana ishin duke ecur në drejtim të Unazës perëndimore të Shkodrës kur një automjet tip “Benz” me targë SH 5060 C, që drejtohej nga Izmir Bizi u ka ndërprerë rrugën. Dy të rinjtë kanë rrëshqitur rreth 30 m në rrugë duke u përplasur me makinën. Motoçikleta mori flakë. Dy adoleshentët ndodhen në gjendje të rëndë për jetën. Ekspertë të policisë thonë se ka qenë ndërprerja e gabuar e rrugës nga ana e benzit dhe shpejtësia motorit që kanë shkaktuar aksidentin. Ndërsa është ndaluar drejtuesi i mjetit.

HermesNews - ©2013

Dërgo me email | Stampo artikullin