23/02/2013 16:52:04

Plagoset Zv-Presidenti i Parlamentit Europian

Eksponenti politik liberal ka pësuar një aksident automobilistik në aksin rrugor kombëtar përgjatë autostradës A1

BERLIN - Një prej zëvendëspresidentëve të Parlamentit Europian, liberali gjerman Alexander Alvaro, ka mbetur i plagosur rëndë sot si pasojë e një aksidenti rrugor, njoftonte ''Bild Am Sonntag'', në faqen e saj të internetit, po ashtu edhe në numrin përkatës që hidhet nesër në treg. Sipas tabloidit, eksponenti politik liberal ka pësuar një aksident automobilistik në aksin rrugor kombëtar përgjatë autostradës A1, mes Burscheidit dhe Leverkusenit, në Renani-Vestfalinë Veriore.

Sipas burimeve të sipërpërmeduar zënvedëspresidenti i Parlamentit Europian, liberali Alexander Alvaro ka marrë plagë të rënda, ku përfshihen dëmtimet e gjymtyrëve dhe tronditje cerebrale të forta dhe është dërguar me urgjencë në një prej spitaleve më të afërta në rajon, ndërkohë që pritet një transferim i tij në një klinikë më të specializuar për sa u takon dëmtimeve cerebrale.

HermesNews - ©2013

Dërgo me email | Stampo artikullin