22/02/2013 11:07:59

PS mbledh sot Konventën Kombëtare

Kryetarët përkatës të grupeve të punës për programin, do të prezantojnë të gjithë strategjinë që Partia Socialiste do të ndjekë për të Rilindur Shqipërinë

(15:40) Kryetari i partisë Socialiste, Edi Rama bëri sot një ftesë të hapur për të gjithë qytetarët që duan të njihen me programin e ri të kësaj force politike, të ndjekin direkt prezantimin e tij në konferencën kombëtare që fillon punimet sot pasdite duke vijuar dhe ditën e shtunë. Gjatë një takimi me mediat, që i paraprin fillimit të punimeve të konventës, Rama tha: "Ftoj të gjithë shikuesit që nga ora 16:00 të ulen përpara ekranit të televizorit dhe të ndjekin konventën tonë kombëtare për programin që nis sot dhe vazhdon edhe nesër paradite në dy seanca intensive ku do të paraqitet programi ynë pas një rruge të gjatë takimesh, konsultimesh me ekspertë".


TIRANË - Partia Socialiste zhvillon sot pasdite mbledhjen e konventës kombëtare për programin e ri politik. Konventa, e cila pritet të vijojë punimet edhe nesër, do të prezantojë në mënyrë të detajuar programin "Për rilindjen e Shqipërisë". Siç njofton zyra për shtyp e kësaj partie, "kryetarët përkatës të grupeve të punës për programin, do të prezantojnë të gjithë strategjinë që Partia Socialiste do të ndjekë për të Rilindur Shqipërinë". Kreu i PS-së, Edi Rama, nëpërmjet rrjeteve sociale, është shprehur se "programi që do prezantohet për dy ditë me radhë, është bazuar mbi heqjen e taksës së sheshtë, përmirësimin e sistemit shëndetësor, drejtësisë, sigurisë, të arsimit, etj".

HermesNews - ©2013

Dërgo me email | Stampo artikullin