22/02/2013 10:13:56

Siri, viktima nëpër atentate

Sulmi kryesor ndodhi në qendër të Damaskut, kur një kamikaz ka hedhur në erë veturën e tij të mbushur me eksploziv pranë hyrjes së selisë të Baas

BEJRUT - Të paktën 83 persona u vranë pas një sërë atentatesh kamikaze në Damask dukee bërë ditën e djeshme më të përgjakshmen në kryeqytet që prej fillimit të konfliktit, sipas një bilanci të ri nga Observatori sirian për të Drejtat e Njeriut (OSDH).

Sulmi kryesor ndodhi në qendër të Damaskut, kur një kamikaz ka hedhur në erë veturën e tij të mbushur me eksploziv pranë hyrjes së selisë të Baas, në pushtet që prej një gjysmë shekulli duke vrarë 61 persona, 17 prej të cilëve forca qeveritaer, sipas OSDH-së.

Bëhet fjalë për atentatin më të përgjakshëm në kryeqytetin sirian që prej fillimit të konfliktit dy vjet më parë.

Një atenat i trefishtë u kryye në po të njëjtën ditë kundër selive të shërbimeve të sigurisë në sektorin Barze, në veri të Damaskut duke vrarë 22 persona, 19 prej të cilëve anëtarë të forcave qeveritare, sipas OSDH, që mbështetet në një rrjet të gjerë militantësh dhe mjekësh në mbarë vendin. .

Atentate të përgjakshme kanë goditur këto muajt e fundit Damaskun, kryesisht ndërtesat qeveritare, të shrbimeve sekrete apo të sigurisë, disa prej të cilave janë marrë përsipër nga xhihadistët e Frontit Al-Nosra.

Atentatet e djeshme u dënuan nga opozita gjithashtu dhe nga regjimi që ka akuzuar grupet e lidhura me Al-Kaedën, si dhe nga SHBA-ja, Rusia dhe shefi i OKB-së, Ban-Ki-moon.

HermesNews - ©2013

Dërgo me email | Stampo artikullin