21/02/2013 19:17:44

Buxheti i BE-së, Merkel thirrje për aprovimin e tij

Drejtuesit e Bashkimit Europian ranë dakord në samitin e fundit, pas 24 orëve diskutimesh të tendosura, për një buxhet shtrëngues për vitet 2014-2020, në rënie për herë të parë në historinë e Unionit

BERLIN - Kancelarja gjermane, Angela Merkel i kërkoi sot Parlamentit europian të miratojë buxhetin 2014-2020 të Bashkimit Europian negociuar në fillim të muajit Shkurt, ndërkohë që eurodeputetët kanë kërcënuar me të drejtë vetoje. "Di që ka ende diskutime të vështira në të ardhmen me Parlamentin europian. Kjo është e natyrshme. Dua thjesht të nënvizoj se pa një marrëveshje në Këshillin europian, nuk do të kishte asnjë bazë për vendimin në Parlament'', deklaroi kancelarja. "Ne duhet të jemi të kujdesshëm, jo për të parë se çfarë na ndan, por për t'u përqendruar në atë që bashkon Këshillin Europian dhe Parlamentin'', shtoi ajo duke i bërë elozhe marrëveshjes së arritur gjatë samitit të 7-8 shkurtit. "E kam thënë qartë se asnjë, as mes vendeve viktima të krizës, as mes atyre që kanë një peshë të madhe solidariteti, nuk do të mund të pranojnë se të gjithë duhet të kursejnë në Europë, përveç vetë Europës'', shtoi ajo.

HermesNews - ©2013

Dërgo me email | Stampo artikullin