21/02/2013 18:38:00

Aksidenti: humb jetën shoferi, shkak alkooli

54 vjeçari Bujar Ajazi ka humbur jetën pasi makina doli nga rruga: plagoset rëndë pasagjeri i furgonit

KORÇË - Një aksident rrugor, me pasojë vdekjen e një personi dhe plagosjen e një tjetri, ka ndodhur sot në aksin rrugor Barmash-Leskovik, pranë fshatit Rradanj, kur automjeti i drejtuar nga 54 vjeçari Bujar Ajazi, ka dalë nga rruga. Sipas një prej dëshmitareve në vendin para nisjes së furgonit, një ndër shkaqet e aksidentit ka qenë edhe përdorimi i tepërt i alkoolit nga ana e drejtuesit të mjetit, para nisjes, pa përjashtuar edhe kushtet atmosferike, me mjegull dhe reshjet e dëborës që përfshinë nga mëngjesi i së enjtes rajonin juglindor. Sipas dëshmitares, nga vendi para nisjes, drejtuesit të furgonit i është tërhequr vëmëndja nga mjaft pasagjerë që kërkonin të udhëtonin për në Leskovik, të cilët edhe kishin refuzuar të hipin në furgonin e mjetin e drejtuar prej tij. Nga kjo ngjarje mësohet të ketë humbur jetën drejtuesi i furgonit, 54 vjeçari Bujar Ajazi, ndërsa ka mbetur i plagosur rëndë pasagjeri i furgonit, i cili është dërguar në spitalin rajonal, nën kujdesin e bluzave të bardha.

HermesNews - ©2013

Dërgo me email | Stampo artikullin