21/02/2013 09:49:33

Bullgari: miratohet dorëheqja e Qeverisë

Kryeministri kishte konfirmuar dje, në reagim të manifestimeve që kishin përfshirë vendin që prej 10 ditëve kundër çmimeve të larta të energjisë, që CEZ, furnizuesi ekskluziv i energjisë në perëndim të vendit, do të privohet nga licenca në Bullgari para fundit të ditës

(18:17) Parlamenti bullgar miratoi sot dorëheqjen e qeverisë së qendrës së djathtë të Boïko Borissov paraqitur dje në përfundim të 10 ditëve manifestime kundër varfërisë. Dorëheqja, e votuar në mungesë të kryeministrit Bojko Borisov, u mbështet nga të gjitha partitë parlamentare dhe u miratua me 209 vota pro, pesë kundër dhe një abstenim. Kjo i hap rrugën zgjedhjeve të parakohshme që mendohet të mbahen në pranverë.


SOFJE - Agjencia e rregullimit të energjisë (DAKEVR) në Bullgari njoftoi sot se do të marrë një vendim më 16 Prill për licencën dhënë shoqërisë çeke të shpërndarjes së energjisë CEZ duke ulur gjithashtu kërcënimin e kryeministrit konservator bullgar, Boïko Borissov. Kryeministri kishte konfirmuar dje, në reagim të manifestimeve që kishin përfshirë vendin që prej 10 ditëve kundër çmimeve të larta të energjisë, që CEZ, furnizuesi ekskluziv i energjisë në perëndim të vendit, do të privohet nga licenca në Bullgari para fundit të ditës. Ai njoftoi sot dorëheqjen, përballë këtyre protestave, shpeshherë të dhunshme. Një përfaqësues i DAKEVR, Andon Rokov, njoftoi një sërë vërejtjesh drejtuar CEZ, veçanërisht për praktikat zëvendësimit të matësve, mënyrat e llogaritjes së energjisë së gjelbër dhe reagimin për ankesat e konsumatorëve. "CEZ mund të provojë brenda shtatë ditëve se këto mungesa janë kapërcyer. rezultatet do të shqyrtohen nga DAKEVR më 16 Prill'', theksoi ai. CEZ protestoi ashpër duke i cilësuar deklaratat e kryeministrit bullgar si shkelje e rëndë e normave juridike të Bullgarisë.

HermesNews - ©2013

Dërgo me email | Stampo artikullin