21/02/2013 04:12:38

Ushtarët pijnë gjakun e kobrave

Vrasin gjarpërinj helmues për mbijetesë

TAJLANDE - Një e përditshme britanike tregon ritin e disa ushtarëve amerikane të cilët sigurisht që do të diskutohen gjatë nga Qeveria amerikane dhe do të kundërshtohen nga shoqatat për të drejtat dhe mbrojtjen e kafshëve. Flitet për një program mbijetese në xhunglën e quajtur Cobra Gold 2013.

Një program i vecantë që shfaq sjelljen e ushtareve me kombësi të ndryshme në një total prej 13 mijë ushtarësh të përfshirë në sfidë. Pasi janë stërvitur për mënyrën si të vrasin gjarpërinjtë helmues, është parë mundësia që ushtarët amerikanë të pijnë gjakun e gjarpërinjve, ndërsa të tjerët më pas kanë vazhduar pas tyre. Ushtarët kanë pirë gjakun e fresket të gjarpërit Kobra sapo e kanë vrarë. Ky veprim është quajtur një “çmenduri e madhe” nga popullsia e rajonit.

Prova është kryer për “t’i qetësuar” ushtarët pas operacioneve ushtarake. Kampi që është mbledhur për 10 ditë, po organizohet në një zonë të thellë në Tajlandë në provincën e Chonburit. Ushtarakët amerikane të përfshirë në këtë provë vijnë dhe nga Japonia, Koreja e Jugut, Malajzia, Indonezia dhe Singapori.

Edison Myrteza

Dërgo me email | Stampo artikullin