20/02/2013 19:08:08

DB: viti i fundit i reçesionit në Greqi

Analistët gjerman pohojnë se recesioni në Greqi këtë vit do të jetë 4,2 për qind, ndërsa parashikojnë se vitin e ardhshëm ekonomia greke do të fillojë me zhvillim dhe tempi i rritjes do të arrijë 0,9 për qind

ATHINË - Banka gjermane Deutsche Bank vlerëson se 2013-ta do të jetë viti i fundit i recesionit në Greqi, ndërsa nga viti i ardhshëm pritet që vendi të kthehet në rritje të kufizuar, shkruan gazeta greke "Imperia". ''Analistët gjerman pohojnë se recesioni në Greqi këtë vit do të jetë 4,2 për qind, ndërsa parashikojnë se vitin e ardhshëm ekonomia greke do të fillojë me zhvillim dhe tempi i rritjes do të arrijë 0,9 për qind", shkruan gazeta greke. Deutsche Bank thekson se edhe krahas zvogëlimit të Prodhimit të Brendshëm Bruto (PBB) të Greqisë në tremujorin e katërt të vitit 2012 për gjashtë për qind, megjithatë ka pasur shenja të përmirësimit, sepse rënia e kësaj PBB-je është më e vogël në krahasim me vitin 2011.

HermesNews - ©2013

Dërgo me email | Stampo artikullin