20/02/2013 11:12:15

Rezoluta çame sot para Komisionit

Në 22 janar rezoluta çame u fut në axhendën e Komisionit Parlamentar të Jashtëm ku u caktuan edhe dy relatorët e draftit Qemal Minxhozi nga Partia Socialiste dhe Fatbardh Kadilli nga Partia Demokratike

TIRANË - Komisioni parlamentar i Politikës së Jashtme nisi të mërkurën shqyrtimin e Rezolutës për Zgjidhjen e Çështjes Çame, e propozuar nga Partia për Drejtësi, Integrim dhe Unitet (PDIU).

Në 22 janar rezoluta çame u fut në axhendën e Komisionit Parlamentar të Jashtëm ku u caktuan edhe dy relatorët e draftit Qemal Minxhozi nga Partia Socialiste dhe Fatbardh Kadilli nga Partia Demokratike.

Më 10 dhjetor PDIU dorëzoi në Kuvend Rezolutën për Zgjidhjen e Çështjes Çame, e cila do t'i hapë rrugë nismave të mëtejshme zyrtare të qeverisë shqiptare për të kërkuar zgjidhjen e kësaj çështje.

Rezoluta, e inicuar nga dy deputetët e PDIU-së, Shpëtim Idrizi dhe Dashamir Tahiri, përbëhët nga 13 pika dhe ndër të tjera shprehet për shfuqizimin e ligjit grek të luftës, i shpallur me dekret mbretëror në vitin 1940, akoma në fuqi; njohjen e së drejtës së riatdhesimit; njohjen e statusit të minoritetit etnik etj.

HermesNews - ©2013

Dërgo me email | Stampo artikullin