20/02/2013 10:21:48

Qeveria bullgare jep dorëheqjen: shkak, çmimi i energjisë

Kryeministri bullgar po ashtu theksoi se ai nuk do të ishte pjesë e qeverisë së përkohshme para zhvillimit të zgjedhjeve të ardhshme legjislative

SOFJE - Kryeministri bullgar, Bojko Borisov deklaroi sot në parlement dorëheqjen e qeverisë së tij, pas përfundimit të dhjetë ditëve të protestave kundër rritjes së çmimit të energjisë elektrike në vend, manifestime të përshkuara nga aktet tepër të dhunshme.

''Kemi dinjitetin dhe ndershmërinë tonë. Është populli i cili na e besoi këtë pushtet që aktualisht mbajmë dhe sot po ja rikthejmë pikërisht atij'', deklaroi Bojko Borisov.

Kryeministri bullgar po ashtu theksoi se ai nuk do të ishte pjesë e qeverisë së përkohshme para zhvillimit të zgjedhjeve të ardhshme legjislative, të cilat janë të parashikuar të mbahen gjatë muajit korrik të po këtij viti.

HermesNews - ©2013

Dërgo me email | Stampo artikullin