19/02/2013 20:23:08

Zgjedhje, politika dhe strategji. Flet lideri i socialistëve Edi Rama

Rama: '...në politikë-bërjen tonë, ka qenë politika e jashtme që ka bërë që Shqipëria të shihet si një vend që ja del të sillet në mënyrë të përshtatshme me rrethanat edhe nga më të vështirat në rajon'

TIRANE - Artur NURA: Një përshëndetje te ngrohte për dëgjuesit e "Radio Radicale" te cilëve u propozoj tashmë një intervistë me drejtuesin e opozitës Shqiptare z. Edi Rama që e njohim shumë prej jush dhe të cilin e pyes, meqë ka demonstruar siguri për fitoren e zgjedhjeve te ardhshme, me çfarë strategjie dhe me çfarë sigurie e garanton këtë fitore elektorale ?

Edi Rama: Le të themi që vendi ka nevoje për një ndryshim të thellë dhe që qeveria aktuale ka dështuar në të gjitha premtimet e saj dhe ka praktikisht krijuar një situatë dështimi të përgjithshëm. Pastaj, ne jemi duke i ofruar vendit një program të ri për një rilindje të vërtetë dhe të gjithanshme shqiptare...

Artur Nura: por, me çfarë strategjie e garantoni këtë zhvillim nga pikë-pamja ekonomike ku ka shumë probleme, por që ka njerëz që mendojnë, besojnë se Shqipëria të paktën në raport me vendet e tjera nuk ka provuar recension?

Edi Rama: Por, unë mendoj që në Shqipëri kemi prej shumë vitesh një situatë të qëndrueshme problemesh të mëdha ekonomike të cilat praktikisht përfaqësojnë një situate krize shumë më të thellë nga ajo e cila bota bashkëkohore po kalon. Dhe, thënë këtë, koncepti i recensionit është një fenomen që i përket vendeve të zhvilluara dhe jo një vendi si ky yni ku ka shumë varfëri, shumë papunësi dhe le ta themi, ka një situatë të përgjithshme krize kronike ekonomike...

Unë vetë mendoj se ne jemi në gjendje të krijojmë kushtet për një ndryshim të rëndësishëm duke filluar nga linçimi i ekonomisë me bazë konkurrencën e lirë e cila praktikisht nuk ekziston më këtu! Vendi është në një situatë të tipit “state capture” (shtetit të kapur), siç edhe mund të thuhet në rastin tonë. Institucionet demokratike janë të gjitha të kontrolluara dhe të mbytura në aktivitet e tyre dhe ekonomia edhe ajo është e mbytur nga situata monopoliste e një politike klienteliste që praktikisht ka krijuar të gjithë këtë dështim të plotë.

Artur Nura: Mirë...të gjithë ata që mendojnë si ju, gjykojnë që individi Sali Berisha është një politikan autoritarist. Po Edi Rama është autoritarist? Sigurisht pyetja vlen më shumë në rastin nëse do fitonit dhe do ishit kryeministër...

Edi Rama: Unë nuk e shoh veten në këtë përkufizim ! Edhe pse e dimë që ka një propagandë të shfrenuar e cila kërkon të përçoi tek njerëzit idenë që të gjithë jemi të njëjtë! E gjitha është e njëjtë dhe askush nuk mund ta ndryshoje ketë...!

Artur Nura: Po... Unë si gazetar ju kam ndjekur edhe në vitin 2009 kur ju ishit pretendent për kryeministër dhe dukeshit që ishit i sigurtë që do bëheshit i tillë! Sot tashmë jemi në vitin 2013 dhe me çfarë garancie mund të themi se nuk jemi përsëri të gabuar? Cila është strategjia për të garantuar votën siç thoni ju...?

Edi Rama: Por..., të gjithë e dinë që në Shqipëri ka një problem të integritetit të procesit elektoral. Kjo gjë tashmë është një fakt i pranuar nga nivelet më të larta të ndërkombëtarëve duke filluar nga Komisioni Evropian, pastaj vendet anëtare dhe pastaj aleatet dhe partnerët e Shqipërisë si Shtetet e Bashkuara të Amerikës të cilët e njohin dhe thonë se këtu ka një problem themelor i të realizuarit të zgjedhjeve të lira dhe demokratike. Ne do bëjmë më të mirën tonë dhe le të shohim...

Artur Nura: Duke konsideruar teorikisht se i fitoni zgjedhjet...mund të na thoni nëse e keni gati listën e ministrave me të cilët do qeverisni, domethënë një “qeveri hije” si në praktika të ndryshme evropiane?

Edi Rama: Jo nuk e kam! Praktika e “qeverive hije” nuk është evropiane, por anglo-saksone e cila nuk funksionon në botën e mesdhetare dhe mendo sa mund të funksionojë në botën e Ballkanit...

Artur Nura: OK. Nëse do te vini në pushtet do të ketë ndryshime në politikën e jashtme socialiste? Duke konsideruar këtu që dinamika globale është duke ndryshuar dhe nuk mund të thuhet që nuk ka probleme...

Edi Rama: Unë besoj që praktikisht nëse ka një gjë e cila ka nevojë të konsolidohet dhe jo të ndryshohet, është politika jonë e jashtme. Është një gjë një veprimtari që e kemi bërë mirë gjithmonë...

Artur Nura: Edhe qeveria Berisha?

Edi Rama: ... në politikë-bërjen tonë, ka qenë politika e jashtme që ka bërë që Shqipëria të shihet si një vend që ja del të sillet në mënyrë të përshtatshme me rrethanat edhe nga më të vështirat në rajon. Tani nevojitet të shihet çfarë mund të përmirësohet në këtë drejtim në të gjitha këto pikë-pamje, por padyshim që nevojitet të konsolidohet ky qëndrim i Shqipërisë. Një vend që përfaqëson dëshirën e mirë për paqe dhe stabilitet në rajon. Jo ndryshim kufijsh në Ballkan dhe Integrimin Evropian të tij dhe bashkëpunim me të gjithë.

Artur Nura: por.. nëse flasim konkretisht për një aktor dhe faktor të rëndësishëm gjeopolitik siç është Turqia...unë si vëzhgues i vëmendshëm i zhvillimeve në rajon dhe veçanërisht në Shqipëri shoh një prani dinamike të Turqisë në vend, prani sa ekonomike ashtu edhe kulturore dhe ai vend ka një rol të diskutueshëm nga pikë-pamja evropiane... Nëse do kemi një qeveri “Rama” cili do jetë pozicionimi i Tiranës karshi saj?

Edi Rama: por nuk ka... nuk ka asnjë dyshim që Turqia përfaqëson një fuqi kulturore dhe ekonomike pozitive jo vetën për rajonin tonë por edhe për një diagonale shumë më të madhe. Besoj qëe duhet shkuar përpara dhe të shihet si mund të nxisim kooperimin ekonomik dhe çfarë duhet të bëjmë që të forcojmë lidhjet tona në të gjitha aspektet dhe mbi këtë nuk ka asnjë dyshim.

Artur Nura: Nëse flasim për protagonizëm politik përballë ndërkombëtarëve, protagonizëm të Berishës dhe të Ramës kundrejt aktorëve të huaj! Personalisht vë re që z. Berisha pas takimeve me ta në konferencat e shtypit thotë përgjithësisht që qeveria e tij dhe partia demokratike do bëjnë të pamundurën që kërkesat, këshillat e tyre të realizohen! Ndërsa Rama, në konferencat e tij nuk thotë gjë tjetër veçse: i kërkova zgjidhjen e “x” problemi, qe këtu ka shumë pengesa, që këtu nuk veprohet si duhet etj...ç’mund të themi për këtë konstatim? Ka nevojë reflektimi për politikanin që nesër dëshiron të drejtojë vendin?

Edi Rama: Bo...nuk e di! Nevojitet të pyesni ndërkombëtaret për këtë! Unë bëj më të mirën time për të prezantuar tek ata pikë-pamjet e mia, botën tonë të disa vlerave, disa pikëpamje, pastaj nuk më përket mua të gjykoj nëse ja arrij të kryej këtë detyrë mirë, shumë mirë, apo keq...

Artur Nura: OK. le të flasim për gjëra konkrete. Përça i përket edhe Memos së publikuar tashmë të Departamentit të Shtetit mbi retorikën nacionaliste...ose ajo që thotë Berisha se në rajon ka albanofobi së cilës i nevojitet një përgjigje. Sipas Ramës, ka në rajon albanofobi?

Edi Rama: Por, unë besoj se ne nuk duhet të harrojmë për asnjë sekondë të gjithë këtë që është bërë në këto vitet e fundit dhe si është bërë. Shqiptarët sot në rajon janë historikisht më mirë se kurrë. Dhe, kjo është realizuar në sajë të një mbështetje ndërkombëtare, një mbështetje pa doreza të Shteteve të Bashkuara dhe të Britanisë së Madhe të cilët morën drejtimin e luftës për çlirimin e Kosovës. Mjafton të sjellim në vëmendje faktin që kryeministri i Kosovës është ulur në të njëjtën tavolinë pune me kryeministrin e Serbisë, apo të autoriteteve më të larta si të Kosovës dhe të Serbisë për të diskutuar mbi paqen midis tyre. Kështu që unë besoj se nuk ka asgjë më kundër rrymës dhe kundër-produktive se ajo rrugë e errët e një nacionalizmi që sipas meje është primitiv dhe nuk ka të bëjë me të gjithë atë që ne kemi nevojë.

Artur Nura: OK. Nëse flasim me konkretisht kemi parti politike këtej dhe andej kufirit tonë të cilat pretendojnë bashkimin e Shqipërisë me Kosovën...me ndonjërën prej tyre ju mund të bëni koalicion elektoral, apo qeverisës...Nga ana tjetër është edhe vete Berisha që thotë se shqiptarët duhet të bashkohen sepse nuk mund të injorohet fakti se i njëjti Komb jeton në pesë shtete rajonale. Por gjithsesi duhet parë si e mendon Berisha i cili nuk harron të thotë kjo do të ndodhë nën çatinë e Bashkimit Evropian. Sipas socialistëve bashkimi i shqiptarëve...?

Edi Rama: Unë besoj që ne jetojmë në një bote e cila është krejtësisht e ndryshme me veten edhe të 10 viteve më parë jo më... kështu që nevojitet të shihet e ardhmja duke kërkuar të kuptohen instrumentet me të cilat duhet vepruar në boten ku jetojmë. Kjo do të thotë që vizioni dhe instrumentet e një periudhe historike kur e ardhmja e shqiptareve shihej tek Shqipëria e Madhe nuk ka më hapësirë, apo mundësi të aktualizohet. Bota ku jetojmë është e re dhe sigurisht që e ardhmja na ofron mundësi të reja dhe nuk duhet të harrojmë që jemi në një botë të re e cila nuk është bota e 100 viteve më parë, apo 10 viteve më parë...

Artur Nura: Sipas kryetarit të opozitës, kundërshtari juaj politik, dmth kryeministri Berisha retorikën nacionaliste e ka për qëllim elektoral, apo ka një projekt i cili sipas zhvillimeve nuk është se mund të eskludohet në mënyrë absolute përderisa kemi një Komb të vetëm që jeton në pesë shtete rajonale...?

Edi Rama: ëhë...Shqipëria nuk është i vetmi Komb që jeton në disa shtete...ka edhe kombe të tjerë që..., por të imagjinosh një projekt që ti bashkojë këto pesë “copash”...në një gjë të “shkëlqyer” që të jep drithërima...sepse është ajo që thashë më parë që të kthehesh shumë mbrapa për të parë një botë që nuk ekziston më! Sot shqiptarët janë përpara një sfide të madhe që është Integrimi Evropian në një botë që ndryshon çdo ditë. Ndaj duhet të veprojmë e mendojmë sipas kësaj bote që po jetojmë pa rënë në kurthet e një nacionalizmi jashtë loje...

Artur Nura: Po një projekt i tipit BENELUX-it Ballkanik, mund të konsiderohej...?

Edi Rama: Le ti lemë të rrinë të tilla projekte, perceptime sepse e përsëris që janë perceptime të një ardhme të pamundur me sytë nga një e shkuar që nuk ekziston më. E përsëris që unë nuk shoh tek këto perceptime as një projekt të saktë për Kombin dhe as për Shqipërinë dhe Kosovën dhe të gjithë shqiptaret në përgjithësi. Nuk shoh as një rrugë te kalueshme në to. Kjo sepse janë rrugë që të çojnë vetëm në fatkeqësi. Nuk mund të humbin të gjitha ato që i kemi fituar dhe nuk mund të humbim simpatinë dhe mbështetjen e aleatëve tanë të mëdhenj dhe ne nuk mund të humbim mundësinë e madhe që është përpara nesh, këtë botë të re që sigurisht duhet të na shtyjë drejt themeleve të Etërve themelues të idealit të kombeve që jetojnë së bashku. Dhe, duhet të sigurojmë këtë ideal nëpërmjet instrumenteve të duhura .

Artur Nura: Te kthehemi tek problemet e shtëpisë. Tashmë të flasim për 21 janarin. Prokuroria e Përgjithshme ka apeluar tashmë vendimin e Gjykatës së shkallës së parë. Mund të themi se kemi besim tek Drejtësia? Apo që presim të vijmë në pushtet?

EDI Rama: Nuk është problem pushteti, apo problem i besimit tek institucionet e drejtësisë në logjike të principeve. Në Shqipëri nuk ekzistojnë institucionet demokratike të cilat janë krejtësisht nën thundrën e pushtetit të korruptuar dhe plotësisht anti-demokratik...

Artur Nura: E mendojnë kështu si ju edhe ndërkombëtaret me të cilët komunikoni?

Edi Rama: bo...për këtë duhet të pyesni ndërkombëtarët, unë jap opinionin tim.

Artur Nura: Për ta mbyllur dhe meqë jemi edhe në Itali në prag zgjedhjesh, shumë më afër se në Shqipëri, ç’mund të themi për Listën për Amnisti, Drejtësi dhe Liri të radikalëve italianë?

Edi Rama: Po, unë besoj që Marco Pannella dhe Emma Bonino kanë shkruar një histori shumë të veçantë e cila do jetë gjithmonë e nderuar në të ardhmen dhe që nuk është rasti i shumë të tjerëve që kanë përfaqësuar parti të mëdha, apo të vogla. Ata kanë shkruar një histori në mënyrën e tyre me shumë ndershmëri dhe dinjitet. Thënë këtë, mund të shtoj që rezultatet elektorale kanë pak rëndësi përballë asaj që ata kanë bërë dhe do bëjnë. Kjo sepse ajo që ata kanë bërë ka qenë e një përmbajte shumë të thellë në raport me një rezultat elektoral të zakonshëm i cili nuk ka qenë me atë çfarë ata meritojnë. Më duket se ata nuk kanë shënuar kurrë rezultat elektoral si horizonti i tyre, horizont apo qëllim që nuk e kanë abandonuar kurrë për rezultate elektorale të cilat kanë qenë gjithmonë shumë, shumë më pak se ajo që kanë merituar gjithmonë ata.

Artur Nura: Faleminderit z. Rama

Radio Radicale

Dërgo me email | Stampo artikullin