19/02/2013 13:55:07

Belgjike, grabiten në mënyrë spektakolare diamantet

Sulmohet një automjet i kompanisë Brink's në aeroportin e Brukselit

BRUKSEL - Vlera e diamantëve të grabitur dje në mbrëmje gjatë një sulmi ndaj një automjeti të kompanisë "Brink's" në aeroportin e Brukselit arrin deri në 50 milionë dollarë ose 37 milionë euro, bënë të ditur burime zyrtare vendase. "Ishin diamante me prejardhje nga Anversi dhe me destinacion drejt Zyrihut, në Zvicër", theksuan burimet zyrtare vendase duke e konsideruar si grabitjen më të madhe të diamanteve deri më sot. Burimet nuk dhanë hollësi të mëtejshme mbi identitetin e furnizuesit dhe blerësit të gurëve të çmuar. "Automjeti u sulmua nga persona të armatosur rëndë", theksoi rrjeti televiziv vendas, "VRT".

HermesNews - ©2013

Dërgo me email | Stampo artikullin