19/02/2013 13:40:10

Greqi, gazetarët në grevë kundër krizës

Greva, që pason disa të tilla të organizuara nga Federata Panhelenike e Redaktorëve, (Poesy), që prej fillimit të krizës në vitin 2010, ka si qëllim të kërkojë heqjen e masave të shtrëngimit ekonomik dhe mbrojtjen e qindra punonjësve të këtij sektori, sipas një komunikate

ATHINË - Greqia ka pasur sot mungesën e të gjitha buletineve informative për shkak të një greve 24 orëshe të sektorit të medias publike dhe private, punonjësit e të cilit protestojnë kundër uljes së rrogave dhe pushimeve nga puna në këtë sektor.

Kjo grevë, që pason disa të tilla të organizuara nga Federata Panhelenike e Redaktorëve, (Poesy), që prej fillimit të krizës në vitin 2010, ka si qëllim të kërkojë "heqjen e masave të shtrëngimit ekonomik dhe mbrojtjen e "qindra punonjësve të këtij sektori", sipas një komunikate.

''Po luftojmë për nënshkrimin dhe mbrojtjen e konvencioneve kolektive dhe vlefshmërinë e të ardhurave tona të paguara për pensionet dhe për t'i dhënë fund pushimeve nga puna'', theksonte deklarata e Poesy.

Kjo grevë e parashikuar që prej disa ditësh, koinçidon me visitën e presidentit francez, François Hollande në Athinë që ka si qëllim mbështetjen për Greqinë, e zhytur që prej katër vitesh në një krizë të rëndë ekonomike dhe sociale.

HermesNews - ©2013

Dërgo me email | Stampo artikullin