19/02/2013 13:30:17

Gjykim i shkurtuar për Ilir Xhakja ?

Gjykata hedh poshtë kërkesën e avokatit mbrojtjes

TIRANE - Gjykata e Krimeve të Rënda rrëzoi kërkesën për gjykim të shkurtuar ndaj të pandehurit Ilir Xhakja, i akuzuar si autor i vrasjes së Shefit të Policisë së Shijakut, Adem Tahiraj, vitin e kaluar në afërsi të Durrësit.

Me rrëzimin e kësaj kërkese, i pandehuri rrezikon të dënohet me burgim të përjetshëm, nëse gjendet fajtor nga gjykata. Faktikisht, kërkesa e palës mbrojtëse ishte kundërshtuar dhe nga përfaqësuesi i Prokurorisë, një seancë me parë me pretendimin se, çështja nuk mund të zgjidhej në gjendjen që janë aktet e dosjes.

I pandehuri ilir Xhakja, i arrestuar, akuzohet se është autor i vrasjes me armë zjarri i ish-kreut të komisariatit të policisë së Shijakut, Adem Tahiraj, ne 13 Shtator te vitit 2012 në fshatin Katund Sukth, Durres. Ilir Xhakja, sipas policisë është person me precedentë penal.

HermesNews - ©2013

Dërgo me email | Stampo artikullin