19/02/2013 09:57:43

OKB: më pak viktima në Afganistan gjatë vitit 2012-të

Komisioneri i Lartë i OKB-së për të Drejtat e Njeriut jep vlerësimet mbi mbrojtjen e civilëve gjatë konfliktit të armatosur

KABUL - Civilët që kanë humbur jetën si pasojë e konflikit afgan përgjatë vitit 2012 janë në një nivel më të ulët për herë të parë në gjashtë vite, sipas një raporti të publikuar sot nga Misioni i Organizatës së Kombeve të Bashkuara për Asistencë në Afganistan, Unama. I përgatitur në koordinim me Komisionerin e Lartë të OKB-së për të Drejtat e Njeriut ky raport që jep vlerësimet mbi mbrojtjen e civilëve gjatë konfliktit të armatosur tregon se reduktimi i viktimave krahasuar me vitin 2011 është në një nivel prej të paktën 12 për qind, ndërsa ka shtim të numrit të të plagosurve, por në mënyrë të shpërndarë në rajone të caktuara. Në kompleks 'Unama' thekson se numri i viktimave gjatë vitit të kaluar arrinte në 2.754 dhe i të plagosurve në 4.805, ndërsa gjatë shtatë viteve të fundit 14.728 persona kanë mbetur të vdekur si pasojë e konfliktit.

HermesNews - ©2013

Dërgo me email | Stampo artikullin