18/02/2013 19:28:14

Greqi, aleatet takohen per krizen

Ndër argumentet që do të trajtohen, përveç koordinimit të veprimtarive qeveritare, problemet e rënda që po stërmundojnë vendin ndër të cilat papunësia dhe pushimet nga puna në sektorin publik, por edhe programi i privatizimeve

ATHINË - Kryeministri grek, Adonis Samaras do të zhvillojë mbrëmjen e sotme një takim me aleatët e qeverisë së tij, liderin e socialistëve Evangjelos Venizelos (Pasok) dhe atë të së Majtës Demokrate Fotis Kouvelis (Dimar).

Ndër argumentet që do të trajtohen, përveç koordinimit të veprimtarive qeveritare, problemet e rënda që po stërmundojnë vendin ndër të cilat papunësia dhe pushimet nga puna në sektorin publik, por edhe programi i privatizimeve që nuk po avancon sipas planit dhe lufta kundër evazionit fiskal.

Në takim, sipas mediave, do të jetë i pranishëm edhe ministri i Financave, Janis Sturnaras, prani që tregon mbi rëndësinë e veçantë që të tre liderët i japin takimit.

Ky takim, po sipas mediave, parashikohet të jetë me një intesitet të lartë, në kuadër të vizitës së ardhshme të javës që vjen në Athinë të përfaqësuesve të Trojkës, Paul Tomson (FMN), Servaz Deruz (BE) dhe Claus Mazuch (BQE), që ka si detyrë vlerësimin e aktualizimit të programit për përshtatjen e bilancit dhe të reformave ekonomike të parashikuara nga Memorandumi i nënshkruar mes Athinës dhe kreditorëve ndërkombëtarë.

HermesNews - ©2013

Dërgo me email | Stampo artikullin