18/02/2013 19:13:18

Humbasin pensionin grek, minoritaret protestojne para konsullates

Një përfaqësi e protestuesve ka marrë takim me konsullin grek në Gjirokastër, Nikolaos Kotrokis, të cilët i ka dorëzuar një listë me kërkesa

GJIROKASTËR - Rreth 150 banorë të minoritetit grek, kryesisht të moshuar të zonës së Dropullit, protestuan sot para Konsullatës së Përgjithshme Greke në Gjirokastër për ndërprerjen e pensioneve. "Ndihemi të braktisur, me ato para merrnim ilaçet dhe jetonim. Kjo do të thotë vdekje për ne. Nuk mund ta braktisim këtë vend dhe t’i bëhemi barrë fëmijëve në Greqi. Të paktën mund të pajtoheshim me kufizimin, por jo kështu, ata po na lënë të vdesim", shprehet Anastas Ksera, minoritar. Një përfaqësi e protestuesve ka marrë takim me konsullin grek në Gjirokastër, Nikolaos Kotrokis, të cilët i ka dorëzuar një listë me kërkesa. "Konsulli grek në Gjirokastër ka mbështetur kërkesat e pensionistëve, ndërsa i ka drejtuar qeverisë greke dhe të gjitha partive politike një kërkesë paraprake, ku sqaron të gjithë situtën e krijuar pas ndërprerjes së pensioneve për pensionistët nga minoriteti grek", tha një protestues. Rreth një muaj më parë, minoritarët grekë, brezi i tretë, kanë humbur të drejtën për t'u trajtuar me pension invaliditeti, 350 euro, libreza shëndetsore dhe favore financiare që ishin fituar rreth 15 vitesh.

HermesNews - ©2013

Dërgo me email | Stampo artikullin