18/02/2013 09:30:59

Kërkesë për kthim Prone, në Shqipëri ……

Esse nga një ish Pronar

Fort i nderuari dhe i respektuari HAJDUT,
Unë që po ju shkruaj jam një qytetar shqiptar, ish pronar i asaj pronës që Ju sot po shijoni…

Duke kuptuar kënaqësinë që të jep prona në përgjithsi dhe sidomos prona ime në veçanti, kam përuljen tju shqetësoj në punën tuaj për organizimin e menaxhimin e një prone kaq të madhe e cope të papritur që ju administroni me sukses tash 22 vjet rresht.

Kot rastësisht - mos jeni mërzitë me pronën time dhe keni mirësinë me ma kthye mbrapa pronën….meqënëse shumë persona po thonë se ju e keni grabitë me dhunë, me hile, me kopili, me një lig, me gjykatë, me proçedura, me falje shtetërore, me hipotekë, me letra, etj, etj, etj…..

Po flitet - se JU i keni studiuar edhe familjet e dobta, e pasi jeni siguruar nga lidhjet tuaj politike, keni vepruar duke e futur pronën time të trashëguar, në emrin e llogarinë tuaj personale.

Zoti HAJDUT…Ju e dini që jam njeri i qytetëruar dhe i urtë, e kam dëshirën e mire, që JU dhe familja JUAJ, vetëm të ndjehet mire, dhe NE të mbetemi miq të përjetshëm…

Shiheni me dashamirësi kërkesën time të drejtë e të trashëgueshme me ligj nga prinderit e mij të ndjerë…

Me respekt të madh dhe në përulje e varfëri të plotë……
Qytetar sot pa pronë ( !!!!) - falë JUSH, dhe në saj të rreagimit TUAJ, shpresoj se Ju Zoti HAJDUT, do te më bani nga Ish-Pronar në Pronar, që me takon në saj të fakteve, tapive e dokumenteve ligjore, që zotëroj si fakte të pamohueshme - që mi ka njohur dhe Gjykata e Strasburgut.

Kthim Përgjigje - Zotit Qytetar Shqiptar…….
Dëgjo këtu TI - mender Qytetar i dhier e anonim… që merr guximin të më shkruash dhe të më shqetësosh……po të paralajmëroj se jo vetëm s’do ta kthej pronën… por zotohem në fjalën e nderin tim, se po të gjeta, do të thyej brinjët….do te vras fare…..

UNE jam, jo vetëm i pushtetshëm, që zotëroj prone, me hipotekë, por e zotëroj atë dhe me akte ligjore, e vendime gjykate……
Pikërisht, tashti që më nevrikosët pa masë - po ju garantoj se do tju gjej atje ku jeni fshehur pas kompjuterit, dhe do tju torturoj në atë formë - sa vete JU - do te pohoni, se kjo PRONE më përket mua, dhe do jeni ju që me deshirë - ma dhuroni MUA, bile, do të shkoni tek një noter, do ta noterizoni vetë - do shurroni gjak nga frika, mor frikacak…

Besoj se isha fort i qartë…….
Pa respekt dhe pa asnjë konsideratë,
mor zog Gomari, që mban ca letra bakalli - që ju i quani TAPI……
Kjo tregon - se keni qënë tapë – topit, kur më keni shkruar…dhe s’kuptoj, se ku e morët guximin sot, pas 22 vjetësh, të më shkruani mua – VETE, PRONARIT me Hipotekë e vendim Gjykate, që ashtë në fuqi tash 22 vjet…..
Do tju këshilloja…. të rrini urtë dhe të mos llapni lart e poshtë, se NE…. ju kemi marrë pronat…..besoj se fjalën – Ne…ju e kuptoni…Unë... gjykata… noteri…ligj… ecetera e cetera…….

Keni fatin të jetoni - se s’jetojmë në diktaturën komuniste dhe NE, jemi nje vend me demokraci, që njeh ligje e respekton pronarët e të gjitha kategorive….. edhe Ju si Ish-pronar, ik pirdhu në emigrim…
Dhe UNE jam si Zoti…. jam Pronari i ri - në Shqipërinë që aspiron me hy në Europë….

HermesNews - ©2013

Dërgo me email | Stampo artikullin