16/02/2013 11:51:55

Regjimi sirian po kryen krime lufte

Davutoglu në seancën e djeshme të komisionit Turqi-Bashkimi Evropian kritikoi ashpër qëndrimin e bashkësisë ndërkombëtare ndaj Sirisë

ANKARA - Shefi i diplomacisë turke, Ahmet Davutoglu në seancën e djeshme të komisionit Turqi-Bashkimi Evropian kritikoi ashpër qëndrimin e bashkësisë ndërkombëtare ndaj Sirisë, e përfshirë në një konflikt të brendshëm të përgjakshëm që nga marsi i vitit të kaluar dhe ku numri i të vdekurve ka arritur mbi 70 000 persona.

"Është e domosdoshme të reagohet ndaj veprimeve të ushtrisë siriane, besnike e presidentit Bachar al Assad, që po kryen krime lufte. Nëse ndërmerren sulme ajrore ku jeton popullsia civile, atëhere kemi të bëjmë me një krim lufte'', deklaroi Davutoglu.

''Ne ende presim përgjigje të apelit tonë për reagim të përbashkët. Kur do të ndërmarrë veprime OKB-ja? Në Siri kanë humbur jetën mbi 70 000 njerëz, ndërsa miliona janë të uritur. Pse vetëm Turqia dhe vendet fqinje të Sirisë e paguajnë këtë llogari?", theksoi Davutoglu.

Ai shtoi se bashkësia ndërkombëtare duhet të miratojë një rezolutë për ndihmë humanitare për Sirinë.

HermesNews - ©2013

Dërgo me email | Stampo artikullin