15/02/2013 18:52:46

Arsye 'pro' të Planit Rregullues

Autorët e raportit të vlerësimit strategjik mjedisor

TIRANE - Lidhur me reagimin e përfaqsuesit të PS-së Artan Lame për Planin Rregullues së Tiranes dhe në veçanti për Vlerësimin strategjik mjedisor të planit sqarojmë se, Plani rregullues i Tiranës është rezultat i punës një vjeçare i mbi 80 ekspertëve që përfaqësojnë ajkën e ekspertizës si dhe palcën e shqetësimit qytetar të Tiranës, të cilët u përfshinë në grupin teknik dhe grupin strategjik për hartimin e planit. Z. Lame gjithashtu ka qenë një nga pjesëtarët e Grupit strategjik duke u bërë një ndër kontribuesit pasi sugjerimet e tij janë mbajtur shënim dhe janë shqyrtuar gjatë hartimit të planit.

Të gjitha shënimet e një dyzine mbledhjeve të Grupit strategjik dhe Grupit teknik për hartimin e Planit rregullues së Tiranës janë botuar si shtojcë e raportit të Vlerësimit strategjik mjedisor, dhe kushdo mund të shohë çfarë ka
sugjeruar secili prej kontribuesve. VSM e Planit është botuar...dhe shihet se z. Lame ka shprehur mendimet e tij haptaz në disa mbledhje dhe i janë marrë parasysh nga kryetari i bashkisë siç dëshmohet në fq. 138, 140, 152, 157 dhe 192 të raportit të VSM.

Nga pikëpamja mjedisore, plani ka të mirën e madhe që synon 5 fishimin e sipërfaqeve të gjelbëra të Tiranës dhe shpall zonat e ndotura me mbetje të rrezikshme që kërkojnë rehabilitim mjedisor, duke e kthyer Tiranën në një qytet të shëndetshëm dhe miqësor me mjedisin. Nga pikëpamja sociale, ky plan krijon mundësinë për popullsinë autoktone të Tiranës që mbi bazë të ndershme dhe të drejtë të zhvillojë pronat në përputhje me parimet e zhvillimit të qëndrueshëm dhe i jep fund praktikave korruptive të zhvillimeve klienteliste të qytetit.

Vlerësimi Strategjik Mjedisor (VSM) u hartua nga 5 ekspertë ndër më të mirët në vend, me titujt më të lartë akademike të Shqipërisë. Ky studim u publikua online për 4 muaj rrjesht në websitin e Bashkise, dhe u konsultua me publikun në seancat e shumta të dëgjesave publike zhvilluar anë të gjitha njësitë e qytetit të Tiranës. Grupi i hartimit të VSM është kompakt dhe shpreh indinjatën për paragjykimin ndaj punës së tyre kolegjiale dhe për paragjykimin e cilitdo anëtar të nderuar të tij.

Çdo koment i bërë për VSM gjatë kohës së konsultimeve të parashikuara me ligj janë pasqyruar në variantin përfundimtar të studimit. Por, deri tani nuk ka patur asnjë asnjë ankim/koment/sugjerim kundërshtues për VSM. Ata ish zv.ministra dhe ish zv.kryetare bashkie që qahen se Plani do dëmtojë apo se nuk janë pyetur mund të shohin në librin e VSM sesi kanë pasur mundësi të shprehin çfarë kanë pasur dëshirë dhe ju është marrë parasysh. Z. Lame dhe përfaqësues vendore të PS-së kanë folur jo një e dy, por 5-6 herë në disa mbledhje rrjesht. Le të na tregojnë një ekperiencë e vetme të mëparshme ku janë dëgjuar të flasin 5-6 here dhe të jenë marrë parasysh propozimet e tyre.

Ndonëse VSM e Planit u publikua qysh në Shtator dhe u ftuan të gjithë të bënin pyetje/sugjerime/vërejtje apo dhe shpërthime emocionale, z. Lame dhe kolegët e tij nuk u ndien fare. Ngaqë nuk dinë çfarë të thonë, pretendojnë se do marrin ekspertizë ndërkombëtare për të gjetur ndonjë të mete, pasi vetë nuk munden të kenë as pyejte, e jo me vërejtje.

Qoftë Plani Rregullues dhe qofte VSM mund të mos jenë perfekt, por janë absolutisht arritja me madhore per zhvillimin e ndershem te Tiranes ne 23 vitet e fundit. Jane fryt i nje pune te perbashket dhe duhet pershendetur si nje arritje monumentale ne fushen e planifikimit te territorit. VSM e ketij plani eshte e vetmja e botuar si liber me vete me gjithe dokumentet shoqërues. Ndofta z. Lame nuk arrin të bëjë dallimin mes Planit Rregullues të përgjithshëm të qytetit dhe Planeve të detajuara vendore për çdo njësi të qytetit qe do hartohen pas Planit të përgjithshëm për çdo njesi te qytetit dhe do përcaktojnë modelin e detajuar të jetesës në çdo njësi urbane.

E sfidojmë z. Lame të tregojë vetëm një Plan rregullues dhe vetëm një VSM që të jenë më gjithëperfshirese, te ndershme dhe te diskutuara aq publikisht. I ashtuquajturi Plan Francez per qendren nuk pati as shenime minimale per degjesat publike dhe as VSM. Ngjashem me te edhe plani belg I qendres nuk pati as degjesa te hapura publike dhe as VSM. Ne cfare eksperience te meparshme planifikuese i bazon pretendimet e tij z. Lame ?

Ne se do te hiqen syzet partiake ne gjykim jemi te sigurte se VSM do te dukej ashtu sic eshte ne fakt, nje dokument i vlefshem per te miren publike, dhe sugjerimet e sinqerta do ta benin vec me te plote. Studjuesit, si lajmetaret, nuk kane faj.


* Autorët, Prof. Dr. Lirim Selfo, Prof. Dr. Sulejman Sulce, Prof. As. Dr. Sazan Guri, Prof. As. Dr. Romeo Hanxhari, Prof. As. Dr. Jamarber Malltezi

Komunikatë për Shtyp

Dërgo me email | Stampo artikullin