15/02/2013 17:57:58

Kriza, Netanyahu lë akulloren

Kryeministri Benjamin Netanyahu bëri të ditur se do të hiqte dorë nga financimi publik për pasionin e tij ushqimor, akulloren

JERUSALEM - A e dini cila është një nga masat e para shtrënguese ekonomike që është premtuar në Izrael? ''Kryeministri Benjamin Netanyahu bëri të ditur se do të hiqte dorë nga financimi publik për pasionin e tij ushqimor, akulloren'', sipas gazetës izraelite ''Yediot Aharonot''.

''Me kërkesë të Netanyahut, një shumë buxhetore vjetore prej 2 000 eurosh i kushtohet konsumit të akulloreve për familjen e Benjaminit, bashkëshorten e tij dhe dy djemtë, në residencën zyrtare të kryeministrit'', njoftoi sot e përditshmja popullore.

Çifti Netanyahu ka qenë herë pas herë shënjestër e medias izraelite për mënyrën e jetesës, gjykuar si shumë e kushtueshme. ''Sa akullore mund të blesh me 2 000 euro çdo vit?'', pyet tabloidi.

''Duke ditur se një kilogram akullore 'Bibi' kushton 12 euro, Netanyahu mendohet të ketë blerë 14 kilogramë akullore çdo muaj'', ka llogaritur e përditshmja.

Benjamin Netanyahu ka reaguar duke njoftuar menjëherë ndërprerjen e blerjes së akullores duke e cilësuar si një shpenzim të ekzagjeruar dhe të papranueshëm.

HermesNews - ©2013

Dërgo me email | Stampo artikullin