13/02/2013 18:18:18

Zbulohet arsenali i armeve

Forcat e Komisariatit Nr.1 arrestuan mbrëmë në afërsi të rrugës Mihal Grameno shtetasin Adnand Qorri, 40 vjeç, lindur e banues në Tiranë

TIRANË - Një arsenal armësh u sekuestrua të martën në Kryeqytet, ndërsa u arrestua një 40 vjeçar si posedues i tyre. Burime zyrtare të Policisë së Tiranës bënë të ditur sot se, forcat e Komisariatit Nr.1 arrestuan mbrëmë në afërsi të rrugës "Mihal Grameno" shtetasin Adnand Qorri, 40 vjeç, lindur e banues në Tiranë.

Sipas policisë, pas një kontrolli të imtësishëm të realizuar në banesën e tij, u gjeten dhe sekuestruan me cilësinë e provës materiale disa armë luftarake.
Kështu u sekuestrua një pistolete me ngjyre te zeze me mbishkrimin “TANFOGLIO” me nr.VD 2886, një pistolete me ngjyre te zeze me mbishkrimin “GLOCK-22” me nr.XB569, disa krehëra metalike me fisheke model 56 kaliber 7.62 mm, një armë zjarri automatike Model 56 kaliber 7.62mm me Nr.3019395, 25 fisheke pistolete model 56, kalber 7.62 mm etj.

Bëhet e ditur gjithashtu se, u bllokua dhe një automjet tip “Nisan” me ngjyre gri me targa TR4562I, ne pronesi te shtetasit Adnand Qorri, i cili nuk ka dokumentacionin perkates.

Çështja ndaj 40 vjeçarit, do t’i referohet Prokurorisë së Rrethit Gjyqësor Tirane, për konsumim të veprës penale të "Prodhimit dhe mbajtjes pa leje të armëve luftarake".

HermesNews - ©2013

Dërgo me email | Stampo artikullin