13/02/2013 04:35:13

Çeki/ Presidenti heq dorë nga1/3 e pagës

Shpeshherë i kritikuar për një fjalim populist, Zeman u shpreh i gatshëm për të hedhur në këtë fond 30 për qind të pagës presidenciale prej rreth 14 200 euro

PRAGË - Presidenti i zgjedhur i Republikës çeke, Milos Zeman konfirmoi sot se do të hiqte dorë nga një e treta e pagës së tij dhe do ta vinte në shërbim të një fondi special për uljen e borxhit publik, njoftoi shtypi çek. "Do të krijoj një fond presidencial special për uljen e borxhit publik'', theksoi ai gjatë një interviste me banorët e fshatit Nove Veseli, sipas të përditshmes Dnes. Shpeshherë i kritikuar për një fjalim populist, Zeman u shpreh i gatshëm për të hedhur në këtë fond 30 për qind të pagës presidenciale prej rreth 14 200 euro. ''Fondi do të krijohet një ose dy muaj pas bërjes së betimit presidencial'', theksoi Zeman, i cili shpreson të ndiqet nga anëtarë të tjerë të klasës së pasur. Ish-shef i partisë Social-Democrate CSSD dhe kryeministër në vitet 1998-2002, Zeman, 68 vjeç do të bëjë betimin më 8 mars duke pasuar euroskeptikun Vaclav Klaus.

HermesNews - ©2013

Dërgo me email | Stampo artikullin