12/02/2013 17:12:17

Berisha firmosi vendimin e Qeverise

Marrëveshja pritet të firmoset nesër të Athinë, nga pala shqiptare përmes zv.kryeministrit dhe ministrit të Ekonomisë, Edmond Haxhinasto

TIRANË - Kryeministri Berisha firmosi sot vendimin e qeverisë për miratimin në parim të marrëveshjes ndërmjet Shqipërisë, Greqisë dhe Italisë për projektin për gazsjellësin Trans Adriatik (TAP), marrëveshje e cila pritet të firmoset nesër të Athinë, nga pala shqiptare përmes zv.kryeministrit dhe ministrit të Ekonomisë, Edmond Haxhinasto. Marrëveshja mundëson bashkëpunimin ndërmjet tre vendeve për zbatimin e projektit të TAP, si një projekt me rëndësi strategjike për kontributin ekonomik e zhvillimor për të tre vendet, rajonin dhe më gjerë në Europë. Ky projekt veçanërisht për Shqipërinë paraqet mundësi për diversifikimin e burimeve të energjisë, përmes gazifikimit të vendit. Gazsjellësi Trans Adriatik do të sjellë gazin natyror nga fusha e Shah Deniz 2 në detin Kaspik, në Europën Perëndimore.

HermesNews - ©2013

Dërgo me email | Stampo artikullin