12/02/2013 12:16:04

99 mijë familje me ndihmë ekonomike

Gjatë vitit 2012, Shkodra ka numrin më të madh të qytetarëve që jetojnë me asistencë nga shteti

TIRANE - Bazuar në statistikat e Shërbimit social shtetëror, gjatë vitit 2012 në skemën e ndihmës ekonomike u trajtuan rreth 99.720 familje në të gjithë vendin. Prej tyre 67.486 famije janë trajtuar me ndihmë ekonomike të pjesshme, dhe 32.234 familje me ndihmë ekonomike të plotë.

Siç vihet re në këto statistika, numri më i madh i familjeve të trajtuara me ndihmë ekonomike është në qytetin e Shkodrës me rreth 15.354 familje.

Ndërsa Durrësi është qyteti që ka më pak familje të trajtuara me ndihmë ekonomike rreth 1394 familje. Ndërkohë në Tiranë janë 12.151 familje të përfshira në skemën e ndihmës ekoomike.

Sipas të dhënave rezulton se karahasuar me të njëjtën periudhë të vitit 2011, numri i familjeve përfituese është më i lartë.

Bazuar në pikpamjen e dimensioneve gjeografike, vihet re se varfëria është më e përqendruar në zonat veriore dhe verilindore të vendit. Qarqet Shkodër, Elbasan, Lezhë, Dibër, Korçë dhe Kukës vazhdojnë të kenë shkallën më të lartë të varfërisë

HermesNews-©2012

Dërgo me email | Stampo artikullin