12/02/2013 09:36:58

Sekuestrohen 145 kg hashash

Aktualisht aksioni për ndalimin e transportuesit vazhdon, ndërsa një procedurë penale ka nisur ndaj tij

GJIROKASTËR - Të paktën 145 kg hashash u bllokuan në orët e para te mëngjesit të ditës së sotme në afërsi të fshatit Grehot, ndërsa një person u shpall në kërkim, njoftoi policia e Gjirokastrës, në jug të vendit. “Lënda narkotike u bllokua në automjetin tip “Ford”, me targa AT 043 MK, ndërsa drejtuesi u largua”, thuhet në komunikatën e policisë. I njëjti burim tha se drejtuesi i automjetit nuk i është përgjigjur policisë për të ndaluar, ndërsa lënda narkotike kishte origjinën nga Lazarati dhe destinacion final Italinë. “Lënda narktoke ishte ndarë në 29 pako, me 5 kg të barabarta dhe ishte fshehur në bagazhin e automjetit”, saktëson policia. Policia tha se aktualisht aksioni për ndalimin e transportuesit vazhdon, ndërsa një procedurë penale ka nisur ndaj tij.

HermesNews - ©2013

Dërgo me email | Stampo artikullin