12/02/2013 09:30:23

OKB mblidhet për testin e tretë bërthamor të Koresë së Veriut

Këshilli i Sigurimit në Organizatën e Kombeve të Bashkuara do të zhvillojë sot në takim emergjent lidhur me testin e tretë bërthamor të paralajmëruar nga Koreja e Veriut

(17:20) Koreja e Veriut theksoi sot se prova bërthamore e kryer sot ishte vetëm etapa e parë dhe parashikoi veprime më të forta, nëse do të ndërmerren sanksione kundër saj. "Prova e fundit bërthamore ishte vetëm etapa e parë që ne e kryem me shumë përmbajtje'', deklaroi ministri koreano-verior i Mbrojtjes në një komunikatë të publikuar nga agjencia zyrtare koreano-veriore e lajmeve KCNA. "Nëse SHBA e komplikon situatën me armiqësitë e saj të vazhdueshme, ne nuk do të kemi zgjedhje tjetër, veçse të ndërmarrim kryerjen e një etapë të dytë bërthamore apo një të tretë, në varësi të veprimeve'', shtoi ministria. Pheniani realizoi provën e tretë bërthamore, me një fuqi më të lartë se dy të parat me një mbushje bërthamore, një akt sfide dënuar nga komuniteti ndërkombëtar.


(09:36) Ministri britanik i Punëve të Jashtme, William Hague dënoi sot provën e tretë bërthamore të Koresë së Veriut dhe kërkoi një përgjigje të ashpër nga Këshilli i Sigurimit i OKB-së. "Dënoj ashpër këtë veprim që shkel rezolutat 1718, 1874 dhe 2087 të Këshillit të Sigurimit të OKB-së'', deklaroi shefi i diplomacisë britanike në një komunikatë. Britania e Madhe do të fillojë bisedimet urgjente me partnerët e Këshillit të Sigurimit të OKB-së dhe kërkoi një përgjigje të fortë ndaj këtij zhvillimi të fundit.


(09:35) Presidenti amerikan, Barack Obama dënoi sot provën bërthamore si provokim i ndërmarrë nga Koreja e Veriut që nuk e bën vendin më të sigurt dhe kërkoi një veprim të shpejtë dhe të besueshëm nga komuniteti ndërkombëtar.

"SHBA-ja do të vazhdojë gjithashtu të marrë masat e nevojshme për të mbrojtur veten si dhe aleatët tanë. Ne do të riforcojmë ndjeshëm koordinimin me aleatët dhe partnerët tanë'', theksoi Obama në një Komunikatë.

"Këto provokime nuk e bëjnë Korenë e Veriut më të fortë'', shtoi Obama duke iu përgjigjur Phenianit që ka deklaruar se kishte kryer një provë të tretë bërthamore me sukses, qëllimi i së cilës ishte mbrojtja e sigurisë kombëtare dhe sovranitetit të vendit kundër armiqësive të vazhdueshme të SHBA-së.

"Shumë larg arritjes së qëllimit për t'u bërë një vend i fortë dhe me prosperitet, Koreja e Veriut sa vjen e izolohet më shumë dhe varfëron popullin e saj duke kërkuar të pajiset me armë të shkatërrimit masiv'', nënvizoi presidenti amerikan.

Sipas tij, ky veprim shumë provokues, kryer pas lëshimit të një rakete balistike më 12 dhjetor, minon stabilitetin rajonal dhe shkel rezolutat e Këshillit të Sigurimit të Kombeve të Bashkuara.


SEUL - Këshilli i Sigurimit në Organizatën e Kombeve të Bashkuara do të zhvillojë sot një takim emergjence rreth 23:00 me orën e Nju Jorkut, mbi testin e tretë bërthamor të paralajmëruar nga Koreja e Veriut, njoftuan burime burime të ndryshme. Koreja e Veriut konfirmoi sot ''zhvillimin me sukses'' të një testi të tretë bërthamor, me përdorimin e sasive të 'minimizurara' të elementëve me potencial jashtëzakonisht të lartë, njoftonte agjencia koreanoveriore e lajmeve Kcna.

HermesNews - ©2013

Dërgo me email | Stampo artikullin