11/02/2013 17:20:04

Sarandë, bllokohen 160 kg drogë

Lënda narkotike ishte nisur nga Saranda në drejtim të Athinës

SARANDË - Të paktën 160 kg kanabis sativa u bllokuan sot nga policia e Igumenicës (Greqi), 2 shqiptarë u ndaluan, ndërsa tre bashkëpunëtorë, dy shqiptarë dhe një grek, u shpallën në kërkim, njoftoi policia e Sarandës, në jug të vendit. "Lënda narkotike ishte nisur nga Saranda në drejtim të Athinës (Greqi)", thuhet në komunikatën e policisë, duke cituar autoritetet greke.Të njëjtat burime specifikuan se sasia e kanabisit u bllokua 5 kilometra në thellësi të tokës greke. "Dy trafikantët shqiptarë u ndaluan, ndërsa tre të tjerë u shpallën në kërkim. Për shkak të hetimit emrat e tyre nuk bëhen të ditur", tha policia e Sarandës. Një vit më parë, policia e Igumenicës (Greqi), në bashkëpunim me policinë e Sarandës, kanë bllokuar në kufirin shqiptaro-grek, mbi 8 ton kanabis sativa.

HermesNews - ©2013

Dërgo me email | Stampo artikullin