11/02/2013 13:00:56

21 janari. Neser zbardhet vendimi

Gjykata e Tiranes, neser jep zbardhjen e vendimit

TIRANE - Zbardhja e vendimit të plotë, sa i takon çshtjes së “21-Janarit”, ku trupi gjykues shpalli të pafajshëm ish-gardistin Agim Llupo dhe komandantin e gardës Ndrea Prendin pritet të publikohet nesër, ditën e martë.

Burime nga Gjykata e Tiranës pohuan se zbardhja e plotë e vendimit pritet të bëhet brenda ditës së nesërme. Trupi gjykues i udhëhequr nga Besnik Hoxha, ditën e premte gjatë dhënies së vendimit ka rrëzuar akuzën e Prokurorisë për vrasje me dashje në rrethana cilësuese, duke i shpallur të pafajshëm të dy të pandehurit.

Teksa lexoi vendimin për të akuzuarit, gjyqtari Hoxha kërkoi lirimin e menjëhershëm të ish-gardistit Agim Llupo si dhe heqjen e masës së sigurisë “arrest shtëpie” për ish-komandatin e gardës Ndrea Prendi.

Nga krahu tjetër burime nga Prokuroria e Përgjithshme bën të ditur se menjëher pas zbardhjes së vendimit nga ana e gjykatës, prokurorë e çështjes do të vlerësojnë detajet e vendimit dhe më tej do të gjykojnë nëse çështja do të shkojë në Gjykatën e Apelit ose jo

HermesNews-©2012

Dërgo me email | Stampo artikullin