10/02/2013 16:34:55

Izolohen fshatrat e thellë në zonën e Hasit

Akset kryesore rrugore që lidhin qytetin e Krumës me Kukësin, Gjakovën dhe Bajram Currin janë të hapura. Po bëhen përpjekje që këto akse rrugore të mos bllokohen, edhe pse vështirësitë janë rritur, pasi krahas dëborës janë edhe shtresat e akullit

HAS - Reshjet e dëborës gjatë dy ditëve të fundit kanë nisur të shkaktojnë probleme për banorët e rrethit të Hasit. Tashmë fshatra te thellë si Cahan, Kishaj, Peraj, Mujaj, Zahrisht e ndonjë tjetër janë të izoluar, pasi trashësia e dëborës ka arritur në mbi 40 centimetra.

“Akset kryesore rrugore që lidhin qytetin e Krumës me Kukësin, Gjakovën dhe Bajram Currin janë të hapura. Po bëhen përpjekje që këto akse rrugore të mos bllokohen, edhe pse vështirësitë janë rritur, pasi krahas dëborës janë edhe shtresat e akullit”,- thotë nën prefekti Ismet jaku.

Për mbajtjen hapur të akseve kryesore rrugore po hidhet edhe skorje e kripë në ato segmente ku shtresat e akullit janë të pranishme. Ndërsa për akset rrugore rurale, drejtuesit e komunave pohojnë se u mungojnë fondet, gjë që vështirëson situastën për rihapjen e shpejtë të tyre.

Në akset rrugore të këtij rrethi, deri tani nuk është vërejtur ndonjë aksident me pasoja për jetën, Pavarësisht kësaj në oprët e vona të natës së kaluar në aksin rrugor Krumë - Kukës një automjet me të cilin udhëtonin 3 persona ka dalë nga rruga duke rënë në kanalin anësor të rrugs në vendin e quajtur qafë e Toblit. Në ndihmë të tyre kanë mberritur forca policie të cilët kanë mundësuar shpëtimin e 3 udhëtarëve.

HermesNews - ©2013

Dërgo me email | Stampo artikullin