09/02/2013 12:40:08

Berisha: 21 janari, akt i shemtuar

Te zbulohen te gjitha te vertetet a sulmit

TIRANE- Kryeministri Sali Berisha, gjatë një takimi të shtunën me të rinj të Partive Popullore Europiane (PPE) solli në vëmendje ngjarjet e 21 janarit, duke akuzuar kryetarin e Partisë Socialiste të opozitës, Edi Rama si organizatorin e një proteste që synonte përmbysjen me dhunë të qeverisë, e ardhur në pushtet nga zgjedhjet e lira.

"Ne kemi një problem serioz, kryetarin aktual të opozitës, i cili në vend të mbështesë reformat e integrimit bën çdo gjë për t'i bllokuar ato. Më 21 janar, bazuar në një video kryekëput të fallsifikuar, ky zotëri mendoi se mund të përmbyste pushtetin me dhunë dhe solli protestues, midis tyre persona të paguar dhe të zgjedhur nga bota e krimit, me të cilët mendoi se do të përmbyste me dhunë qeverinë", tha Berisha.

"Ai përgatiti një fjalim dhe mori një megafon me vete e u instalua tek Kullat përkarshi duke besuar se do të mund të përshëndeste mbështetësit e tij, pasi të rrëzonin qeverinë. Mbi Policinë e Gardën u hodhën tulla, gurë, por dhe dinamit. Ai mendoi se do të largohesha nga zyra, por nuk kisha ndër mend ta bëja diçka të tillë. Pati katër viktima, një proces hetimor është në vazhdim. Kërkova që drejtësia të thotë fjalën e saj për të gjitha aspektet e këtij akti të shëmtuar dhe ne po presim", theksoi kryeministri.

Duke u ndalur tek votimi i tre ligjeve të integrimit, një proces që është bllokuar nga opozita, Berisha tha se në këto kushte, pas zgjedhjeve ne po shkojmë drejt një referendumi.

Ai komentoi dhe zgjedhjen e Edi Ramës në postin e nënkryetarit të Internacionales Socialiste. "Për meritë të bllokimit të tre ligjeve zotëria u zgjodh nënkryetar i Internacionales Socialiste, e cila herë pas here shndërrohet sikur të ishte një repart i Kominternit.

HermesNews-©2012

Dërgo me email | Stampo artikullin