09/02/2013 09:28:06

SHBA, Kerry nxit Iranin për fillimin e negociatave

'Topi është në fushën e Iranit (...) Komuniteti ndërkombëtar është i gatshëm që të përgjigjet në qoftë se Irani do të angazhohet në negociata serioze mbi programin bërthamor'

WASHINGTON - Sekretari amerikan i Shtetit, John Kerry nxiti sot Iranit për rifillim të negociatave serioze mbi programin e tij të diskutueshëm bërthamor gjatë takimit, që do të zhvillohet më 26 shkurt në Kazakistan me fuqitë e mëdha.

"Topi është në fushën e Iranit (...) Komuniteti ndërkombëtar është i gatshëm që të përgjigjet në qoftë se Irani do të angazhohet në negociata serioze mbi programin bërthamor", deklaroi Kerry në një konferencë shtypi. Kerry theksoi se dritarja diplomatike mbetet e hapur për Teheranin.

Irani dhe fuqitë e mëdha të Grupit 5+1 (SHBA-ja, Franca, Britania e Madhe, Rusia, Kina dhe Gjermania) do të mblidhen më 26 shkurt, në Kazakistan për të zhvilluar bisedime mbi programin e diskutueshëm bërthamor iranian.

Fuqitë e Mëdha dhe Izraeli dyshojnë se Irani kërkon të pajiset me armën bërthamore nën pretekstin e programit civil bërthamor, gjë që Teherani e mohon kategorikisht.

HermesNews - ©2013

Dërgo me email | Stampo artikullin