08/02/2013 10:00:01

Gjermani: sufiçiti tregtar arrin rekord të dytë historik

Sufiçiti i balancës tregtare është shumë më i madh se ai i regjistruar në vitin 2007 (195,3 miliardë euro) dhe i dyti më i madh që prej vitit 1950

FRANKFURT - Sufiçiti tregtar i Gjermanisë u zgjerua vitin e kaluar për të arritur në €188,1 miliardë kundër €158,7 miliardë në vitin 2011 duke arritur një rekord të dytë historik, njoftoi sot Zyra Federale e Statistikave, Destatis.
Sufiçiti i balancës tregtare është shumë më i madh se ai i regjistruar në vitin 2007 (€195,3 miliardë) dhe i dyti më i madh që prej vitit 1950, datë e fillimit të statistikave për suficitin tregtar gjerman, nënvizoi Destatis në një komunikatë. Eksportet e ekonomisë së parë europiane progresuan me 3,4 për qind në vitin 2012 me €1 097,4 miliardë dhe importet me 0,7 për qind duke arritur në €909,2 miliardë duke shënuar kështu një rekord të ri. Në vitin 2011, eksportet gjermane kaluan për herë të parë pragun e €1 000 miliardë në €1 060 miliardë.

HermesNews - ©2013

Dërgo me email | Stampo artikullin