07/02/2013 09:31:45

OKB jep të dhënat për nivelin e korrupsionit në Afganistan

Raporti, 'ryshfetet e paguara nga qytetarët afganë janë të barabarta me të ardhurat e brendshme të Afganistanit dhe premtimet e bëra në samitin e Tokios'

KABUL - Gjysma e afganëve i kanë paguar një ryshfet një funksionari vitin e kaluar, për një faturë totale prej 3,9 miliardë dollarësh, sipas një raporti të OKB-së publikuar sot. "Ryshfetet e paguara nga qytetarët afganë janë të barabarta me të ardhurat e brendshme të Afganistanit dhe premtimet e bëra në samitin e Tokios'', denoncoi Jean-Luc Lemahieu, përfaqësuesi rajonal i UNODC, zyra e OKB-së për drogën dhe krimin. ''Korrupsioni ka një dimension social në Afganistan pasi 68 për qind nga 6 700 persona të pyetur e konsiderojnë se është normale për një funksionat të pranojë shuma të vogla për të plotësuar pagën e ulët'', sipas UNODC. "Afganët dinë që korrupsioni po shkatërron strukturën e tyre shoqërore. Zgjidhja nuk mund të gjendet vetëm në qeveri, por më gjerë në shoqëri'', shtoi Lemahieu.

HermesNews - ©2013

Dërgo me email | Stampo artikullin