06/02/2013 09:35:16

Tetë ballë Rihter, tërmet në ishujt Solomon

Cunami, pese viktima nga dallga

(09:40) Agjencia Meteorologjike Japoneze (Jma) ka lëshuar pak më parë një alarm për cunami në brigjet lindore të Japonisë, që mund të arrijë në rajon rreth orës 16:40 deri në 17:00, me orën lokale, duke qenë se një dallgë e tillë është shkaktuar nga tërmeti me magnitudë 8 ballë, që goditi pak orë më parë një rajon në afërsi të ishujve Solomon. Agjencia Jma gjatë një konference për shtyp të zhvilluar pak më parë në Tokio specifikonte se ishujt që përfshihen nga prefektura e Okinavas do të jenë të para që do të goditen nga dallga e shkaktuar nga tërmeti. Megjithëse nuk theksohej qartë intensiteti i dallgës së cunamit, agjencia shtoi se kjo goditje mund të mbërrinte nga brigjet e ishullit Hokaido deri në Kyushu.


(09:37) Tërmeti i fuqishëm me magnitudë 8,0 ballë të shkallës Rihter, që tronditi sot ishujt Salomon, në Paqësor shkaktoi të paktën pesë të vdekur duke përfshirë një fëmijë dhe tre të plagosur, bënë të ditur burime zyrtare vendase. "Numërohen pesë të vdekur dhe tre të plagosur. Një prej viktimave është fëmijë të tjerët janë gra dhe një burrë i moshuar", theksuan burimet zyrtare vendase


HONIARA - Një tërmet me magnitudë 8,0 ballë të shkallës Rihter tronditi sot ishujt Solomon, në Oqeanin e Paqësorit duke alarmuar për cunami dhe që mund të shkatërrojë, sipas burimeve zyrtare, rajonet bregdetare, bëri të ditur Instituti amerikan i Gjeofizikës (USGS).

"Informacionet, që ne kemi paralajmërojnë se rajonet në perëndim dhe në jug mund të shkatërrohen, edhe pse ne nuk mund ta konfirmojmë ende këtë", theksuan burimet zyrtare vendase. Alarmi për cunami përfshin ishujt Solomon, Vanuatu, Nauru, Tuvalu, Kaledonia e Re, Kosrae, Fixhi, Kiribati si dhe Wallis dhe Futuna.

Tërmeti u ndje rreth orës 01:12 GMT mes ishujve Solomon dhe Vanuatu, në verilindje të Australisë. "Hipoqendra e tërmetit u lokalizua në një thellësi prej 5,8 kilometrash, rreth 60 kilometra nga ishulli Lata", shtoi USGS.

HermesNews - ©2013

Dërgo me email | Stampo artikullin