05/02/2013 09:03:41

Pas bores, akulli pengon trafikun

Pas dëborës, i ftohti dhe temperaturat nën zero gradë kanë bere qe akulli te behet shqetesim në akset rrugore, nderkohe qe e bllokuar mbetet vetëm komuna e Arrnit në rrethin e Kukësit

KUKES - Vendin e reshjeve të dëborës e kanë zënë temperaturat e ulta dhe shtresat e akullit në zonën verilindore. “Reshjet e dëborës gjatë paradites së djeshme nuk kanë arritur të bllokojnë lëvizjen e mjeteve, edhe pse trashësia në zonat e thella malore arriti në mbi 40 centimetër”, tha përgjegjësi i zyrës së emergjencës civile në prefekturën e Kukësit, Azem Tema.

Shtresat e akullit ne të gjitha akset rrugore rurale, vecanërisht gjatë orëve të natës kanë vështirësuar ndjeshëm lëvizjen e mjeteve. Për të përmirësuar gjendjen nga firmat private që kontrollojnë akset rrugore po hidhet kripë e skorje për të normalizuar lëvizjen e mjeteve.

Edhe në segmentin e autostradës Morin – Kukës – tunel po hidhet kripë e skorje në disa segmente me akull, ndërsa nga policia u është kërkuar drejtuesve të mjeteve të lëvizin me shpejtësi të ulur për shkak të rrezikshmërisë nga shtresat e akullit, por edhe të mjegullës së pranishme në orët e mëngjesit.

HermesNews - ©2013

Dërgo me email | Stampo artikullin