04/02/2013 17:34:02

Spanjë: rriten eksportet shqiptare

Në 11 muajt e vitit 2012, eksportet u rritën drejt tregjeve spanjolle me rreth 73%, ndërsa shënuan një bazë vjetore me 166%, duke e vendosur partnerin e dytë

TIRANË - Spanja është kthyer në partnerin e dytë tregtar për eksportet pas Italisë, duke zënë 9.4% të totalit të tyre, kryesisht me minerale dhe naftë. Në 11 muajt e vitit 2012, eksportet u rritën drejt tregjeve spanjolle me rreth 73%, ndërsa shënuan një bazë vjetore me 166%, duke e vendosur partnerin e dytë.

Sipas INSTAT, eksportet drejt Spanjës nisën rritjen e tyre në tri vitet e fundit, 2009-2012 dhe në 9 muajt e vitit që kaloi u eksportuan rreth 18.5 miliardë lekë mallra. Krahasuar me vitin 2009, eksportet u rritën 17 herë në janar-nëntor, 2012.

Në këtë rritje peshën kryesore e dhanë eksportet e lëndëve energjetike dhe mineraleve drejt tregut spanjoll. Nga të dhënat e INSTAT, mineralet përbëjnë rreth 91% të totalit të eksporteve të mallrave shqiptare në Spanjë.

Kompania kanadeze, e vetmja eksportuese e naftës në vend, "Bankers Petroleum", ka shitur naftë tek partneri kryesor i saj "British Petroleum", ku rreth 70% të naftës e ka çuar në Spanjë.

HermesNews - ©2013

Dërgo me email | Stampo artikullin