01/02/2013 17:55:23

Kinë, 26 viktima nga shpërthimi i fishekzjarreve

Shpërthen kamioni i ngarkuar me lëndë plasëse

PEKIN - Të paktën 26 persona kanë humbur jetën si pasojë e shpërthimit të një kamioni të ngarkuar me lëndë plasëse dhe fishekzjarre duke shkaktuar shëmbjen e një ure në pjesën qendrore të Kinës, njoftoi radioja Kina Ndërkombëtare.

Shpërthimi ka qenë aq i fortë sa ka shkaktuar shembjen e urës në rajonin Henan dhe dhjetëra makina kanë rënë nga një lartësi e konsiderueshme, sipas imazheve të publikuara nga blogjet.

Shpërthimet e materialeve piroteknike, jo gjithmonë sipas normave të sigurisë, nuk janë të rralla në Kinë me rastin e festave të Vitit të Ri Hënor, që këtë vit bie më 10 shkurt.

Sipas radios ''Kina ndërkombëtare'', shpërthimi ndodhi në mëngjes. Kinezët përdorin shumë lëndë plasëse dhe fishekzjarre për të shprehur gëzimin e tyre gjatë ngjarjeve festive të tilla si martesa, takime sportive, koncerte dhe kryesisht për Vitin e Ri, ku shpërthimet bëhen për për të larguar shpresat e këqija.

Rreth 200 qytete kineze ndaluan, duke nisur nga viti 1994, përdorimin e lëndëve plasesë gjatë festimeve tradicionale, për shkak të numrit të lartë të aksidenteve.

HermesNews - ©2013

Dërgo me email | Stampo artikullin